УИХ-ын чуулганы нэгдсэн хуралдаанаар “Эрчим хүчний шинэ эх үүсвэрийн талаар” тавьсан асуулгын хариуг танилцуулав.

Уг хариутай холбоотойгоор УИХ-ын гишүүд асуулт асууж, санал хэллээ.

УИХ-ын гишүүн О.Цогтгэрэл:

Дэлхий дээр эрчим хүч гэдэг чинь техник технологи нь хөгжөөд хөгжил дэвшлийнхээ гол хөдөлгөгч хүчин зүтгүүр нь болоод дэлхий нийт бараг хүн төрөлхтний хөгжил дэвшлийн сүүлийн үеийг харахад ийм л байдалтай манай Монголд эрчим хүч нь хөгжил дэвшлийнх нь боомилогч хүчин зүйл болоод улам даамжирчихсан ийм л байдалд зөвхөн ганц 2 төсөл хэлэхэд л Эрдэнэбүрэний УЦС гээд л баахан ярьж байсан одоо яг санхүүжилт нь шийдэгдсэн юм уу? бид нарын нэг баахан л том том юм ярьцгаагаад байдаг яг үнэндээ санхүүжилт нь шийдэгдээгүй бололтой. Одоо хүртэл ингээд дуу чимээгүй л болчихлоо Тавантолгой гэж байна яг Тавантолгойн цахилгаан станц Эрдэнэс Тавантолгойн станцын тухай ярьж байна энэ дээр бичсэнээр Оюутолгойтойгоо одоо хүртэл худалдан авагч худалдах худалдана авах гэрээгээ хийгээгүй л юм байна. Худалдах худалдан авах гэрээгээ хийгээгүй хаашаагаа энэ нийлүүлэлтээ хийх нь тодорхойгүй нэг ийм төслийн тендерийн тухай яриад байдаг энэ чинь одоо яг нөгөө дараалал нь болж байгаа байгаа юм уу? хаашаа зарах нь мэдэхгүй тэгээд гэрээгээ хийгээгүй. За 5 дугаар цахилгаан станц гээд алдартай зүйл ярьдаг байсан. Одоо бүр сураг байхгүй. Улаанбаатар хот нь хөлдөхдөө бэлэн, гадаадаас авч байгаа импорт бүх зүйл нь болохоо байчихсан бол. Улаанбаатар хотод хөгжил дэвшил, бүтээн байгуулалт, олон зүйл нь цахилгаан станцаасаа болоод байхгүй. үүнээс болоод хотынхоо төвд шавсан, энэнээсээ болоод түгжрэл утаа олон зүйл гарчихсан тэгэхээр энэ эрчим хүчний систем маань одоо яг хаанаа ямар түвшинд явж байгааг бид нар нөгөө нэг амаараа, чихээрээ, хэлээрээ, биеэрээ бүгдээрээ л мэдэрцгээж байна л даа. Тэгээд зарим мэдээллээр энэ 5 дугаар сар гэхэд Монголын эрчим хүчний систем цалингаа тавьж чадахгүй ээ энэ байдалд очиж байгаа мэдээллүүд ч явж байна байна лээ. Ер нь яагаад өнгөрсөн 8 жилийн хугацаанд эрх баригчид ийм их сэтгэлгүй зөвхөн улс төрд зориулж зөвхөн сонгууль зориулж ингэж ажиллаж байгаа юм бэ? 8 жилийн хугацаа гэдэг чинь хангалттай хугацаа 8 жилийн хугацаанд бид нар цаг алдсанаас болоод нүүрсний цахилгаан станцыг санхүүжүүлэхгүй гэдэг ОУ-ын хамтын, Хятадын шийдвэрүүд гарчихлаа зүгээр л аргацааж улс төрд зориулж аргацааж явсны л үр гарч байна шүү дээ. Энэ хооронд ингээд бүх зүйл улам бид нараас алдагдаад улам бид нараас алсраад одоо ийм л байдалд байна. Одоо бас цаг хугацаа алдаж байгаа олон зүйлүүд байна. Тэр сэргээгдэх эрчим хүч гээд нэг зүйл баахан иргэдийн мөнгөн дээр иргэдийн цахилгааны төлбөр дээр сэргээгдэх ийм үнийн зөрүү төлдөг энийг нь засаж засварлах ёстой том ажил бас л ингээд хүлээгдэж явж байгаа. Гэр хорооллын иргэд гэж ядарсан хэдэн иргэд нь цахилгааны мөнгөнөөс тэд нараас цахилгааны мөнгө аваад орон сууцад амьдарч байгаа иргэдийн дулааны мөнгийг татаас өгдөг төлдөг, орон сууцад иргэдийг дулаан амьдруулахын тулд гэр хорооллынх нь цахилгааны мөнгөөр татаас төлдөг. Энэ тогтолцоо явж л байгаа шүү дээ энэ бүгдийг хэзээ өөрчлөх юм бэ?

Түүний хариултад Эрчим хүчний сайд Б.Чойжилсүрэн хариуллаа.

О.Цогтгэрэл: Иргэдийн цахилгааны төлбөр дээр сэргээгдэх эрчим хүчний үнийн зөрүү төлдөг энийг нь хэрхэн засаж засварлах ёстой вэ?