УИХ-ын чуулганы нэгдсэн хуралдаанаар “Үнэт цаасны зах зээлийн тухай хуулийн төсөл” болон хамт өргөн мэдүүлсэн хуулийн төслүүдийг хэлэлцсэн Эдийн засгийн байнгын хорооны санал, дүгнэлтийг танилцууллаа.

Хуулийн төсөлтэй холбоотойгоор УИХ-ын гишүүд асуулт асууж, санал хэллээ.  

УИХ-ын гишүүн Б.Саранчимэг

Үнэт цаасны зах зээлийн тухай хуульд нэмэлт өөрчлөлт оруулах тухай төслийн анхны хэлэлцүүлэгт бэлтгэсэн байнгын хорооны санал дүгнэлтийг сонслоо. Санал дүгнэлттэй холбоотой асуух асуулт байна.  Өнөөдөр хөрөнгийн биржид бүртгэлтэй 100 гаруй хувьцаат компани байна гэсэн мэдээлэл байна тэгэхээр энэ хувьцаат компаниудын ил тод байдал хангалтгүй, компанийн засаглалыг сайжруулах шаардлагатай  дүгнэлт шүүмжлэл их гардаг. Тэгэхээр ил тод байдал нь өөрөө энэ засаглалын гол үзүүлэлт учраас энэ төсөлд компанийн засаглалыг сайжруулах эрх зүйн орчин бүрдүүлэх талаар тодорхой ямар зохицуулалтыг тусгасан бэ? нөгөө талаар иргэдийн санхүүгийн боловсролыг дээшлүүлэх, хөрөнгийн зах зээл дэх иргэдийн оролцоог нэмэгдүүлэх талаар бас их ярьдаг энэ бол өөрөө маш ач холбогдолтой тийм учраас энэ мэдээлэл бага байгаа энэ цаг үед бас энэ байнгын хорооны хурлаар иргэд жижиг хувьцаа эзэмшигчдийн мэдээлэл авах эрх болон бусад эрх зүйн зохицуулалтын тухай хэрхэн  тусгасан бэ? энэ дээр нэг хариулт авъя. Баярлалаа.

Түүний асуултад Санхүүгийн зохицуулах хорооны дарга Д.Баярсайхан хариуллаа.