УИХ-ын чуулганы нэгдсэн хуралдаанаар “Гаалийн албан татвараас чөлөөлөх тухай хуулийн төсөл”-ийг хэлэлцлээ.

Хуулийн төсөлтэй холбоотойгоор УИХ-ын гишүүд асуулт асууж, санал хэллээ.

УИХ-ын гишүүн Ц.Сандаг-Очир:

Элэгний В, Д вирустэй иргэдэд эмчилгээний булевиртидийн гаалийн албан татварыг хөнгөлөх хуулийн заалт яаралтай орж ирж байгаад талархалтай байна учир нь өнгөрсөн 3 хоногийн хугацаанд эмийн түр хороо эмийн өсөлтийн шалтгааны нөхцөлийг тогтоох нээлттэй сонсгол хийсэн энэ сонсгол дээр энэ хүмүүсээс төлөөлөл орж ирж санал хүсэлт хэлж байсан. Энэ эм нь үнэтэй эм сард хэрэглэх эмийн үнэ нь 8,9 саяар хэмжигдэх хоёр жил тасралтгүй тариулж үр дүн нь гардаг ингээд бодохоор нэг хүн жилдээ дунджаар 100 гаруй сая төгрөг  ОХУ-д очиж эмчлүүлэх хэрэгцээ шаардлага гардаг юм байна. Гаалийн албан татвараас чөлөөлснөөр нэг хүнд ноогдох төсвийн дарамт хэрхэн буурч байна вэ? Зөвхөн гаалийн албан татвараас хөнгөлснөөс гадна өөр ямар хөнгөлөлтийн асуудлууд байж болох вэ? Үнийг бууруулах өөр ямар гэрээ хэлцлүүдийг хийж байгаа вэ? Үүн дээр ямар арга хэмжээ авч байна вэ? Яам бол 66 мянга, тус холбоо нь 150 гаруй иргэд энэ өвчнөөр өвчилсөн байх зарим иргэд нь энэ өвчнөөр өвчилснөө мэдээгүй байгаа тооцоо судалгаа байдаг юм байна тийм учраас энэ бол олон иргэдийн тооцоо амь нас, эрүүл мэнд, эдийн засагтай холбоотой асуудал байгаа. Тийм учраас цаашдаа эмчилгээний, эмийг бууруулах боломж яриа хэлцлүүд хийгдэж байна уу? Хэзээнээс хийгдэх вэ? Цаашдаа монголд оруулж ирэх бололцоо, боломж байна уу? Энэ чиглэлээр хариулт өгөөч ээ. 

Түүний асуултад Эрүүл мэндийн сайд С.Чинзориг хариуллаа.