2024.05.15
“Алтан ширээт үйлдвэрлэл, технологийн парк” байгуулах төсөл 2025 онд бүрэн хэрэгжиж дуусна
Дорноговь аймгийн Алтанширээ сумын нутагт нийт 140 га талбайд төмрийн хүдрийн нойтон баяжуулах үйлдвэр, нүүрс угаах үйлдвэр, коксын үйлдвэр, төмрийн хүдрийн хорголжийн гэх мэт дагалдах үйлдвэрүүд бүхий 500 мян.тн/жил ширэм үйлдвэрлэх хүчин чадалтай үйлдвэр 2025 онд бүрэн ашиглалтад орно.
Энэхүү төсөл хэрэгжсэнээр зах зээлд өрсөлдөх чадвартай, нэмүү өртөг шингэсэн, шинэ төрлийн экспортын бүтээгдэхүүний үйлдвэрлэл хөгжиж, төмрийн хүдрээ дотооддоо боловсруулдаг болж, түүхийгээр экспортлох хэмжээ буурч, дагалдах үйлдвэрүүд хөгжих юм. Мөн шинэ төрлийн мэргэжилтэй боловсон хүчин бий болж, орчин үеийн техник, технологийг нутагшуулж, улс, орон нутагт орох татварын орлого нэмэгдэнэ.
