Өнөөдөр та бидний бодолд өнгөрсөн 30 жилд төр, засгийн бодлого шийдвэрийн буруутай үр дүнгээс болж өнөөгийн бид ямар их бэрхшээл, бухимдалтай нийгэмд амьдрах болсон юм бэ? гэсэн эргэцүүлэл төрж буй бизээ. Энэ хэвээрээ байвал ирээдүй хойч, үр хүүхдүүд маань одоогийнхоос ч дор нийгэмд амьдрах магадлал өндөр. Тиймээс энэ цаг үед байгаа та бид илүү сайхан ирээдүйг бүтээхийн төлөө өөрийн байгаа газартаа, хийж буй ажилдаа 2 дахин их, түүнээс ч ихээр хичээх цаг үед амьдарч байна. 

“Сайн засаглалыг бэхжүүлэхэд хөгжлийн гүүр болно” хэмээх зорилготой VipExpert сэтгүүл “Шинэ үеийн 100 эксперт” нэртэй шинэ, тусгай дугаараа гаргалаа. 

Энэхүү сэтгүүлийг Монголчууд өнгөрсөн 30 жилээ дүгнэж, ирээдүйн 30 жилийн эхлэл дээрх он цагийн зааг дээр гаргаж буйгаараа онцлог бөгөөд төрийн эрх барих байгууллагын тогтолцоо Үндсэн хуулийн дагуу өөрчлөгдөж, төрд ард түмнээ төлөөлөх “бага ард түмэн” парламентын гишүүдийн тоо нэмэгдэж, түүхэндээ анх удаа 126 гишүүнийг холимог тогтолцоогоор бүрдүүлэх сонголтын өмнө уншигчиддаа хүргэж буйгаараа мөн онцлог болж байна. 

Монгол Улсын урт хугацааны хөгжлийн үзэл баримтлал болох Алсын хараа 2050 бодлогын баримт бичигт Эдийн засгийн тэргүүлэх чиглэлээ тодорхойлж, түүндээ тулгуурлан хөрөнгө оруулалтыг төлөвлөснөөр шинэ төвлөрлийн бүс, эдийн засгийн олон тулгуур, орон нутагт эдийн засаг тэлэх суурь бий болж, Улаанбаатар хот руу чиглэсэн шилжилт хөдөлгөөн, агаарын бохирдол, түгжрэл зэрэг тулгамдсан асуудлууд шийдэгдэж, улс, эх орон хөгжих боломж нээгдэх учиртай. Иймийн тул “Шинэ үеийн 100 эксперт” сэтгүүлд улс төр, бизнес, урлаг спорт, төр, төрийн бус, иргэний нийгмийн байгууллагын гэх мэт төлөөллийг салбар бүрээс шилдэг эрдэмтэн, судлаач, албан хаагчдыг төлөөлөх 100 экспертийг сонгон орууллаа. 

Ингэхдээ Vip expert сэтгүүлийн редакц дэд бүтэц, тээвэр логистикийн сүлжээ, ажиллах хүч, нийгмийн үйлчилгээний тогтолцоо болон татвар, хөрөнгө оруулалт, эрх зүйн орчныг сайжруулан, бүрдүүлэхэд өнөөгийн залуус, тэр дундаа салбар бүртээ ур чадвар, үр бүтээлттэй ажиллаж буй 100 экспертийн шинэ санал, санаачилга хийгээд зөвлөмж, шийдлийг уншигч олонд хүргэхээр тэдэнтэй уулзаж, ярилцан, салбартаа тулгамдсан асуудлууд, гарц шийдэл, шийдвэрлэх арга, замын талаар бичигдсэн 100 нийтлэлийг унших боломжтой.

Монголын хөгжлийн загвар биеллээ олох суурь нөхцөл нь Монгол хүн билээ. Иймд олон олон монгол эрдэмтэн, монгол залуус, бизнес эрхлэгч, төрийн албан хаагчдын салбар бүртээ дэвшүүлж буй шинэ санаачилга, хэрэгжүүлж буй саналыг олон нийтийн цахим сүлжээнд салбар тус бүрээр хэлэлцүүлэг өрнүүлэх болно. Эдгээр хэлэлцүүлгээс гарах үр дүнг Vip Expert сэтгүүлийн дараа дараагийн дугаарт нийтлэн шийдвэр гаргагчид болон судлаач, экспертүүдийн гарт хүргэх юм. 

Эрхэм уншигч та "Шинэ үеийн 100 эксперт" сэтгүүлийг уншихыг хүсвэл VipExpert сэтгүүлийн редакцтай холбогдоорой. Утас: 701-22-701

Мөн https://vip76.mn/home вэбсайтаас 100 экспертийн нийтлэлийг унших боломжтой. 

Сэтгүүлч

Редактор Ц.Соёлмаа soko@vip76.mn