УИХ-ын ес дэх удаагийн сонгууль үргэлжилж байгаа энэ өдрүүдэд УИХ-ын гишүүнийхээ хувиар, УИХ дахь Ардчилсан намын бүлгийн даргынхаа хувиар тойрогт зориглон нэр дэвшиж байгаа нэр дэвшигчдээ тойруулан бичнэ гэдэг миний үүрэг хэмээн ухамсарлаж, тойрог тойрогт нэр дэвшиж буй нэр дэвшигчдийнхээ тухай цөөн үг холбон нийтлэхээр шийдлээ.

Хэдийгээр миний бие өөрөө сонгуулийн ажилтай, өдрийн 3-4 уулзалт хийж, завсар зай багатай байгаа ч эрх баригчдын араа шүдэнд зуугдан, аархал, бардамнал, басамжлал дундуур мөр зэрэгцэн тэмцэж, зүтгэж яваа эрхэм нөхдийнхөө сонгуулийн кампанит ажлыг амжилтаар дүүрэн байгаасай гэж бодон бодон зав гаргаж буй нь энэ. Тэртээ тэргүй эрх баригчдын жадны үзүүрт гутаагдаж, доромжлогдож, үгүйсгэгдэж, хэлүүлэх хэлүүлэхгүйгээрээ хэлүүлж адлуулж яваа намын нөхдөө дэмжиж бичих нь миний хувьд нэр төрийн хэрэг гэж бодов.

Ингээд олон үг үл нуршин гол ажилдаа орно оо. Төлөвлөгөөт ёсоор бол өнөөдөр, маргааш гэсэн хоёр өдөртөө багтаагаад 13 тойрогт Ардчилсан намаас нэр дэвшиж буй нэр дэвшигчдээ дэмжиж бичнэ. Ер нь тэгээд муулахыг нь өрсөлдөгчид нь хангалттай хийж байгаа энэ өдрүүдэд нэгнээ магтая гэж бодлоо. Гангар шаазанг цав суутал муулах нэгэн байхад эвийн цавуугаар наах нэгэн нь бас байдаг юм шүү. Болдогсон бол алдуурч байгаа ардчиллаа тулан босох гэж хичээж байгаа бүх ардчилагчдаа бичихсэн.

АРДЧИЛЛЫН ШОНХОРУУД