П.Мөнхтулга I тойрог буюу Архангай, Баянхонгор, Өвөрхангай аймгаас УИХ-ын залуу гишүүдийн нэг болж орж ирсэн.

Түүний хувьд АНУ-ын Доктор Филлипсийн нэрэмжит дунд сургуулийг, МУИС-ийн Олон улсын эдийн засгийн харилцааг бакалавраар, МУИС-ийг Эрхзүйч бакалавраар, “Raffles Institution of Singapore” сургуулийг Санхүүгийн удирдлага, бакалавраар, Удирдлагын академид Төрийн удирдлагын мастер, магистраар, “Loyola Marymount University, EMBA” магистраар тус тус дүүргэжээ. Мөн АН-ын ҮБХ-ны гишүүн. Марс V төслийн санаачлагчаар Монголын Байт харвааны холбооны Дэд Ерөнхийлөгчөөр, Монголын Нум Сум Харваачдын Холбооны Ерөнхийлөгчөөр, АЗХ-ны Гүйцэтгэх Зөвлөлийн гишүүн, Бодлогын зөвлөлийн даргаар ажилласан.

УИХ-ын ишүүний тангараг өргөх ёслолын дараа цаг үеийн асуудлаар П.Мөнхтулга гишүүн байр сууриа илэрхийлсэн.

Тэрбээр, Иргэдийн төрд итгэх итгэл шаландаа уначихсан. Шинэ хүмүүсээ хүртэл эргэлзээтэй сонгодог болчихсон. Энэ бол шинэ, хуучин гэлтгүй төрд итгэх итгэл алдагдсаных л байгаа юм. Тийм болохоор энэ удаагийн парламентад хүчний харьцаа ойрхон учраас бие биедээ хяналттай ажиллах байх. Энэ удаагийн парламентад сөрөг хүчин сайн ажиллаж шударга төрийг байгуулна. Манай тойрогт малчдын асуудал хамгийн ихээр тулгамдаж байгаа. Мөн аймгийн төв болон суурин газруудад ажлын байрны асуудлууд байна. Тийм болохоор би Аж Үйлдвэржилтийн байнгын хороонд орж ажиллах зорилготой байгаа” гэв.

Арьс шир малын гаралтай түүхий эдийг экспортод гаргаж малчдын амьжиргааг дээшлүүлэх, жижиг дунд үйлдвэрлэгчид ээ дэмжиж хувийн хэвшлийн ажлын байрыг нэмэгдүүлэхэд бүрэн фокуслаж ажиллахаа тод илэрхийлдэг П.Мөнхтулга гишүүн Аж үйлдвэржилтийн бодлогын байнгын хорооны гишүүнээр томилогдон ажиллаж эхэллээ.

Малчдын амьжиргааг дээшлүүлэн, ЖДҮ-ийг дэмжин ажлын байр нэмэгдүүлэхэд фокуслана!