2024.08.21
Орбис интернейшнл байгууллагын Ерөнхийлөгчийг хүлээн авч уулзлаа
Орбис интернейшнл байгууллагын Ерөнхийлөгч ноён Дерек Ходгки болон холбогдох албаны хүмүүсийг хүлээн авч уулзлаа. Тус уулзалтаар энэ жил Ерөнхий боловсролын сургуулийн зургаан настнуудад нүд, шүд, зүрхний эмгэгийн эрт илрүүлгийн үзлэгийг зохион байгуулах гэж байгааг дурдаж үүнтэй холбогдуулан сурагчдын нүдний үзлэгийг хийхэд хамтран ажиллах талаар ярилцав.
Орбис интернейшнл байгууллагын зүгээс хүүхдийн хараа шалгах хэрэглэгдэхүүн, харааны өөрчлөлттэй хүүхдүүдэд харааны шил тааруулах зэрэг үйл ажиллагааг дэмжин ажиллахаа илэрхийллээ.
Сэтгүүлч
Сэтгүүлч Б.Хонгорсайхан
