Дүүрэг гэдэг бол өдөр тутам, зав чөлөөгүй амьдрал “буцалдаг” газар. Найман жил дамнан дүүргийн Засаг даргын албыг хашсан хүн гэдэг бол гэр хорооллын иргэд, жирийн сэхээтэн, дундаж давхаргын айлууд хэрхэн аж төрж, ямар орчин нөхцөлд амьдарч байгааг танихын дээдээр таньж, мэдэхийн дээдээр мэдэрсэн хүн гэхэд буруудахгүй. Тэр ч утгаараа ард түмэнтэй хамгийн ойр ажилласан Ж.Алдаржавхлан “Урт зам туулж парламентад орж ирлээ” хэмээн өөрийгөө тодотгосон нь саяхан. 

Ж.Алдаржавхлан Хан-Уул дүүргийн МАН-ын хорооны Дарга бөгөөд Хан-Уул Дүүргийн Засаг даргаар 2016 оноос хойш тасралтгүй ажиллав

УИХ-ын гишүүн Ж.Алдаржавхлан нэн түрүүнд, Хот байгуулалтын тухай хуульд өөрчлөлт оруулж, орон сууцны хотхон, хорооллын дунд сургууль, цэцэрлэггүй барилга барьдгийг зогсооход анхаарч буй!

Учир нь Улаанбаатар хотод төлөвлөлтгүй, эмх замбараагүй хотхон, хороолол ихээр баригдаж байна. Байшин барилга нэмэгдэж хүн амын төвлөрөл ихсээд байгаа хэр нь нийгмийн сайн сайхны төлөө иргэдийн олонход зориулагдсан эмнэлэг, сургууль, цэцэрлэгийн асуудал орхигдож ирсэн. Тиймээс эдгээр асуудлыг хуульчилж, тогтсон стандарттай болгох нь нэн чухал гэдгийг Ж.Алдаржавхлан гишүүн  тодотгов.

Тэрээр хэлэхдээ, "Миний сонгогдсон Хан-Уул дүүрэгт 4000-5000 айлын орон сууц баригдаж байгаа. Тэгсэн хэр нь ямар ч сургууль, цэцэрлэг байхгүй. Тиймээс стандарт гэдэг зүйлийг тогтоох шаардлагатай” гэлээ.

Эрчим хүчний хэмнэлтийн бодлого боловсрууллаа

Түүнчлэн УИХ-ын гишүүн Ж.Алдаржавхлан УИХ-ын гишүүн П.Сайнзоригтой хамтран “эрчим хүчний хэмнэлтийн бодлогын баримт бичиг” боловсруулж, холбогдох албан бичгийг Монгол Улсын Ерөнхий сайдад хүргүүллээ. 

Уг баримт бичигт, “Улаанбаатар хотын 45 мянган айл өрх буюу 200 мянга орчим иргэн 1990 оноос өмнө баригдсан 1077 блок угсармал орон сууцанд амьдардаг. Насжилт өндөр, түүнчлэн засвар хийх шаардлагатай нийтийн зориулалтай орон сууцны барилгууд нь халаалтын эрчим хүчний маш өндөр хэрэглээтэй, дулаан алдагдал ихтэй, гадна дулаалга, дээвэр засвар, цахилгаан шатны шинэчлэлийг хийх зайлшгүй шаардлага үүсээд байна.  Тухайлбал барилга тус бүр дээр 26.8 хувийн дулааны эрчим хүчний хэмнэлт гарахаас гадна ус дулаан дамжуулах төвийн дулааны ачаалал 61.5 Гкал цаг буюу 16 хувиар буурахаар тооцоо, судалгаа гарчээ.  Ингэснээр нийтийн зориулалттай орон сууцны эрчим хүч, дулааны маш өндөр хэрэглээг бууруулах, дулаан алдагдлыг багасгах, гадна дулаалга, дээвэр засвар, цахилгаан шатны шинэчлэлийг хийх нь дээр дурдсан хууль тогтоомжийн хэрэгжилтийг хангах, дулааны эрчим хүчний зах зээл болон хэрэглээнд суурилсан тарифт шилжихэд дэмжлэг үзүүлэх, барилгын эрчим хүчний үр ашгийг дээшлүүлэхэд суурь зарчмуудыг нутагшуулахад түлхэц өгөх юм.  Мөн цаашид нийтийн зориулалттай орон сууцны байшин, дундын өмчлөлийн эд хөрөнгөд их засвар хийх санхүүгийн найдвартай эх үүсвэрийг бүрдүүлэх хууль тогтоомжийн зохицуулалтыг боловсронгуй болгох урьдач нөхцөлийг бүрдүүлэх, иргэдийн өмч, орон сууцны байшингийн үнэ цэнийг өсгөх, эрүүл, аюулгүй орчинд амьдрах эрх нь зөрчигдөхөөс урьдчилан сэргийлж, хангахад чухал ач холбогдолтой юм” гэв..

Сэтгүүлч

Сэтгүүлч Б.Хонгорсайхан