ХХААХҮ-ийн сайд Ж.Энхбаяр Хөдөө аж ахуйн корпораци ТӨХК-ийн Хөтөл салбарт ажиллаж, улаанбуудайн биржийн туршилтын арилжааг нээлээ. 

Төвлөрсөн биржийн арилжааны зах зээлийг бий болгох, бодит үнээр улаанбуудайг борлуулах, нийлүүлэх боломж бүрдэх юм. Тариаланч, гурил үйлдвэрлэгч нарыг холбох гол гүүр болох учиртай юм. Биржийн арилжаа хөгжсөнөөр чанартай улаанбуудай борлуулах, хүлээн авах, далд эдийн засгийг ил болгох гол зорилготой.

Биржийн арилжаанд брокертэй гэрээ байгуулан оролцож, худалдах, худалдан авах гэрээ байгуулан ажиллана. 

Хөдөө аж ахуйн салбарт шинэ соёлыг бий болгоход биржийн арилжаа чухал үүрэгтэй тул эрх зүйн орчныг боловсронгуй болгох, шинэ хэлбэрийг нэвтрүүлэх чиглэлд анхаарч ажиллах шаардлагатай байгааг мэргэжилтнүүд онцолж байлаа. 

Сэтгүүлч

Редактор Ц.Соёлмаа soko@vip76.mn