Сонгуулийн ерөнхий хорооны 2024 оны 09 дүгээр сарын 09-ний өдрийн 200 дугаар тогтоолоор Сонгуулийн автоматжуулсан системийг ашиглах программ хангамж, техник хэрэгслийн үйл ажиллагааг шалган туршиж баталгаажуулах, гэрчилгээ олгох ажлыг зохион байгуулж, тайланг танилцуулах үүрэг бүхий ажлын хэсгийг Сонгуулийн ерөнхий хорооны дэргэдэх Мэдээлэл технологийн төв, Тагнуулын ерөнхий газар, Цахим хөгжил, инновац, харилцаа холбооны яамны холбогдох албан тушаалтнуудын бүрэлдэхүүнтэйгээр байгуулсан.

Энэхүү албан хаагчдын төлөөлөл оролцсон ажлын хэсэг өнөөдөр /2024.09.18/ Улсын бүртгэлийн ерөнхий газарт ажиллалаа. Ингэхдээ сонгогчийн бүртгэлийн тоног төхөөрөмж, техник хангамжид гарсан өөрчлөлтийг танилцуулан эдгээр программ хангамжийг туршин сайжруулах үйл ажиллагааг зохион байгууллаа.