АНУ-аас Монгол Улсад суугаа Бүрэн эрхт Элчин сайд Ричард Буанган УИХ-ын гишүүн О.Саранчулууныг урьж, ярилцжээ.

Уг уулзалтад Элчин сайд болон холбогдох албаны хүмүүс оролцож, хоёр улсын хоорондын хөгжлийн бэрхшээлтэй иргэдэд зориулан хийгдэх ажлын талаар санал солилцсон байна.

Тодруулбал, job coach чиглэлээр туршлага судлах, харилцан хүмүүсээ илгээж дадлагажуулах боломж бий эсэхийг талууд хэлэлцжээ. 

Мөн академик боловсрол, судалгааны чиглэлээр хамтран ажиллах байгууллагуудтай харилцаа тогтооход дэмжлэг үзүүлэхээс гадна бусад хамтын ажиллагааны боломжуудын талаар харилцан санал, мэдээлэл солилцсон талаар УИХ-ын гишүүн О.Саранчулуун өөрийн цахим хуудсаараа дамжуулан мэдээлэв.