УИХ-ын гишүүн Н.Батсүмбэрэл БНСУ-ын “Мирал сан”-гийн төлөөлөгч Ц.Лхагвадоржийг хүлээн авч уулзжээ.

БНСУ-ын “Мирал сан” 2004 оноос өнөөг хүртэл хугацаанд 300 гаруй Монгол хүүхдийг БНСУ-д үнэ төлбөргүй зүрхний мэс засал хийлгэж, эмчлүүлсэн байна. Анх 1987 онд байгуулагдсан “Мирал зүрх сан” нь Монгол, Хятад, Филиппин, Вьетнам, Энэтхэг, Камбож, Киргиз, Шри-Ланка, Узбекистан, Танзани зэрэг 24 улсын 4,400 орчим хүүхдийг зүрхний мэс засал хийлгэхэд тусалжээ.

Н.Батсүмбэрэл гишүүний хувьд Монгол Улсад мэс засал хийлгэх, эмчлэгдэх боломжгүй хүүхдүүдийг тус сангийн дэмжлэгээр эмчлүүлэх ажлыг эрчимжүүлэх, түүнчлэн хамтын ажиллагааг бусад чиглэлээр өргөжүүлэх талаар саналаа хэлжээ.

"Мөн БНСУ-ын Бусан хот дахь Монгол Улсын Консулын газар, БНСУ-ын Эдийн засаг, сангийн яамны харьяа "Жижиг дунд бизнес эрхлэгчдийн экспортыг дэмжих төсөл"-тэй хамтран шалны халаалтын систем суурилуулах ажлыг 2025 онд багтаан Чингэлтэй дүүргийн 56, 124, 155 дугаар цэцэрлэгт үнэ төлбөргүй хэрэгжүүлэхээр Хамтын ажиллагааны санамж бичиг байгуулсан" талаар Н.Батсүмбэрэл гишүүн мэдээлэв.

Н.Батсүмбэрэлийн санаачилгаар Чингэлтэй дүүргийн 56, 124, 155-р цэцэрлэг үнэ төлбөргүй шалны халаалттай болно