МОНГОЛ УЛСЫН 2025 ОНЫ ТӨСӨВ БАТЛАГДЛАА. ТӨСВИЙН АЖЛЫН ХЭСЭГТ АЖИЛЛАЖ ҮР ӨГӨӨЖТЭЙ, ЭДИЙН ЗАСАГ, НИЙГЭМ БОЛОН ЭРҮҮЛ МЭНД, БОЛОВСРОЛЫН САЛБАРАА ДЭМЖСЭН, ТӨРИЙГ ДАНХАЙЛГАХЫН ЭСРЭГ БОДЛОГЫГ ХАДГАЛАХЫГ ХИЧЭЭЛЭЭ.

2025 оны төсөв дараах онцлогтой байна:

Нийгмийн даатгалын сангаас олгох тэтгэвэр, тэтгэмж, Эрүүл мэндийн даатгалын сангаас санхүүжүүлэх эрүүл мэндийн тусламж үйлчилгээ, Нийгмийн халамжийн сангаас олгох хүүхдийн мөнгөн тэтгэмж, халамжийн тэтгэвэр, амьжиргааг дэмжих мөнгөн тэтгэмж, асаргааны тэтгэмж, Төрийн албан хаагчийн цалин хөлс болон тэтгэвэрт гарахад нэг удаа олгох тэтгэмж, хөдөө орон нутагт тогтвор суурьшилтай ажилласны тэтгэмж, зээлийн үйлчилгээний төлбөрийг бууруулахгүй,

Монгол Улсын 2025 оны нэгдсэн төсвийн орлого, тусламжийн болон зарлага, цэвэр зээлийн дүн тэнцүү 33.5 их наяд төгрөг буюу дотоодын нийт бүтээгдэхүүн (ДНБ)-ий 35.2 хувь болж, тэнцвэржүүлсэн тэнцэл алдагдалгүй, суурь тэнцэл ДНБ-ий 3.3 хувийн ашигтай байхаар тусгасан.

Булган, Хөвсгөлчүүдийн олон жил хүсэн хүлээсэн Орхон-Хишиг-Өндөр-Гурванбулаг чиглэлийн босоо тэнхлэгийн автозамын үлдэгдэл санхүүжилт 20,9 тэрбум төгрөгийг 2025 оны Улсын төсөвт суулгалаа.

Ингэснээр энэхүү авто зам бүрэн дүүрэн ашиглалтанд орж, Булган, Хөвсгөл аймгийн иргэд маань цаг хугацаа, хөрөнгө санхүүгээ хэмнэж, авто зам дагасан аялал жуулчлал, худалдаа үйлчилгээ хөгжих болно.

Б.Бат-Эрдэнэ: 2025 оны төсөв дараах онцлогтой байна