Сонгинохайрхан дүүргийн Засаг дарга Ц.Баттөр өнөөдөр дүүргийн өрхийн эрүүл мэндийн төвийн удирдлагуудтай уулзалт зохион байгууллаа.

Уулзалтын үеэр хорооны шинэ цогцолбор барилгыг барьж байгуулах, өрхийн эрүүл мэндийн төвийн урсгал засвар, дулаалгын ажлыг гүйцэтгэх, халиа дошинг арилгах, эрүүл мэндийн тусламж үйлчилгээг сайжруулах асуудлаар санал солилцлоо.

Энэ үеэр өрхийн эрүүл мэндийн төвийн удирдлагуудын зүгээс тоног төхөөрөмжийг сайжруулах, эмч мэргэжилтнүүдийг чадавхжуулж, нийгмийн асуудлыг сайжруулах талаар саналаа хэллээ. Цаашид 20 минутын хот хөтөлбөрийн хүрээнд иргэдэд эрүүл мэндийн тусламж үйлчилгээг ойртуулах, сайжруулах, эмч, ажилтан алба хаагчдыг чадавхжуулж, техник төхөөрөмжийг сайжруулах чиглэлд зарим ажил арга хэмжээг зохион байгуулахаар төлөвлөлөө. Уулзалтын үеэр дүүргийн Засаг дарга Ц.Баттөр, дүүргийн менежер Д.Баярсайхан, Тамгын газрын дарга Д.Төмөрбаатар нар өрхийн эрүүл мэндийн төвийн удирдлагуудад 385 жилийн ойн медаль, гарын бэлэг гардууллаа.

20 минутын хот хөтөлбөрийн хүрээнд эрүүл мэндийн тусламж үйлчилгээг ойртуулна