УИХ-ын гишүүн М.Бадамсүрэн шинэ оны мэндчилгээ дэвшүүлэв.

Тэрбээр "Угтан ирж буй Шинэ он Монголчууд бидэнд олон сайхан боломжийг илгээхийн зэрэгцээ сорилтуудыг ч мөн илгээх тул төр, засаг зөв мэргэн бодлого хэрэгжүүлэхийг, мөн иргэн бүр хичээн хөдөлмөрлөхийг уриалж байна.

Улиран одож буй 2024 онд Монголын төрөөс Улс орныхоо эдийн засгийн хөгжлийг түргэтгэх томоохон төслүүдийг эхлүүлэх, цалин тэтгэврийг нэмэгдүүлэх шийдвэрүүдийг гаргасан хэдий ч эрчим хүчний шинэчлэлийн бодлогын хүрээнд үнэ тарифыг шинэчилсэн нь иргэд, айл өрхүүдийн зарлагыг нэмэгдүүлэх сөрөг талыг үүсгэсэн. 

Тэгвэл ирж буй 2025 онд Монголын төр эдийн засгийг өсгөж, өсөлтийг айл өрхийн хаалгаар оруулан орлогыг нэмэгдүүлэх, түүнчлэн иргэд, хөдөлмөрчид, аж ахуйн нэгжүүдэд ногдож буй татвар, нийгмийн даатгалын шимтгэлийг багасгах, хөнгөлөх бодлогыг хэрэгжүүлэх учиртай. 

Эрхэм хүндэт Та бүхэндээ энэ ондоо хийж бүтээсэн амжилтаа ирэх ондоо улам бүр өрнүүн амжилттай үргэлжлүүлэхийг хүсэн ерөөе. 

Айлчлан ирж буй Шинэ оны, Шинэ жилийн мэндчилгээ өргөн дэвшүүлье" хэмээв.