УИХ-ын чуулганы /2025.01.09/-ний өдрийн  үдээс өмнөх хуралдаанаар УИХ-ын гишүүн асан Н.Оюундарийг Польш улсад суух Онц бөгөөд бүрэн эрхт Элчин сайдаар томилох асуудлыг хэлэлцлээ. Хуралдааны төгсгөлд Н.Оюундарийг Элчин сайдаар томилохыг дэмжье гэсэн саналын томъёоллоор санал хураахад, саналт хураалтад оролцсон 93 гишүүний 63 нь буюу 67.7 хувийн саналаар дэмжлээ.

Үүнтэй холбогдуулан гишүүдийн асуусан асуултад Гадаад харилцааны сайд Б.Батцэцэг хариуллаа.

Яамны ажилтан гэж явдаг учраас ГХЯ-ны жилийн ажлын төлөвлөгөөг хийж хэрэгжүүлдэг ийм албан тушаал байгаа юм . Элчин сайд нарын томилгооны хувьд 80% нь гадаад харилцааны салбарын мэргэжилтэн буюу мэргэжлийн дипломатууд. Харин 22% нь бусад салбараас томилогдсон ийм хүмүүс байгаа. Өнгөрсөн 30 жилийн хугацаанд Элчин сайд нарын томилгоо дээр алдаа оноо гарч байсан. Янз бүрийн оронд бас алдаа дутагдал гаргаж асуудалд холбогдож байсан Элчин сайд нар байсан. Элчин сайдаас дооших элчин, зөвлөх,3 дугаар нарийн бичгийн дарга, 2 дугаар нарийн бичгийн дарга, 1 дүгээр нарийн бичгийн дарга ,атташе гэдэг дипломат албан тушаалтай хүмүүсийг бүгдийг нь ГХЯ-ны мэргэжлийн дипломатууд томилогдож ажиллах ёстой.

Зарим тусгай үүрэг гүйцэтгэдэг ТЕГ, Сангийн яам, Эдийн засгийн хөгжлийн яам, Боловсролын яам, ХНХХ-ын яамны төлөөллүүд тодорхой газруудад томилогдож ажилладаг ийм журамтай. Элчин сайд болон дипломат ажилтнууд бүгд Дипломат албаны тухай хуулийн хүрээнд ажиллаж, үйл ажиллагаагаа явуулдаг. Ямар нэгэн байдлаар эзэнгүй, хянах хүнгүй, ажлаа тайлагнахгүй тийм асуудал огт байхгүй. Их нарийн дүрэм журамтай ажилладаг.

Ажлын тайланг бол бид нар хагас жилээр нь байнга авдаг. Дотоод аудиттай төлөвлөсөн ажлыг сар сараар нь холбогдох газрууд нь хариуцаад явдаг. Жишээлбэл, Европын орон гэхэд хариуцаж байгаа орон болгондоо Элчин сайд нарынхаа ажлын өдөр тутмын ажлыг удирддаг. Элчин сайд нар төвөөсөө буюу ГХЯ-ны удирдлагаас байнга чиглэлийг авсны дагуу үйл ажиллагаагаа явуулдаг.

Сэтгүүлч

Сэтгүүлч Ц.Соёлмаа soyolmaa@vip76.mn