УИХ-ын чуулганы /2025.01.09/-ний өдрийн хуралдаанаар “ Үндэсний баялгийн сангийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн  төслийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн А.Ганбаатар:

Үндэсний баялгийн сангийн тухай хуульд нэмэлтөөрчлөлт оруулахад дагалдаж оруулсан Ашигт малтмалын тухай хуульд өөрчлөлт оруулах тухай хуулийн 1 дүгээр зүйлд 47.2.2 энэ хуулийн 5.3, 5.4, 5.5-д заасан стратегийн ач холбогдол бүхий ашигт малтмалын ордыг энэ хуулийн 47.2.1-д заасан ашигт малтмалын нөөц ашигласны тусгай төлбөрийн хувь хэмжээг тухайн ордын онцлогоос хамаарч ЗГ өргөн мэдүүлж Их хурал тогтооно гэсэн. Ийм заалтаар өөрчилж оруулж ирж байгаа. Тэгэхээртухайн ордын онцлогоос хамаарч гэдэг нь өөр өөр ордныхыг нэгудаа тогтоогоод цаашаа бариад явах юм уу, эсхүлдэлхийн зах зээл дээр байж байгаа үнэ ханш гэдэг юм уу нөхцөл байдал өөрчлөгдөх бүрд ЗГ маань Их хуралдаа өргөн мэдүүлээд тусгай төлбөрийн хувь хэмжээ өөрчлөгдөөд явах уу?

Хоёрдугаарт, Баялгийн санг төсвийн нөөц төсөв болгож болохгүй ээ гэсэн нэг ийм зарчмын санал байгаа. Өөрөөр хэлбэл энэ сангийн удирдлага төрөөс ангид мэргэжлийн гадаад дотоодын менежментийн баг оролцсон байвал зүйтэй гэсэн санаа байна. Учир нь улс төрчид, засаг удирдсан сангууд ЖДҮ, ХАА-г дэмжих сан гэх мэтээр асуудалд орооцолдож байсан. Норвегийн баялгийн сангийн тухай бид бүгд мэднэ. Норвегийн баялгийн сан болохоор Сангийн яамныхаа дэргэдэх тусгай банк ньменежментийг нь авч явж байдаг. Олон Улсын төсөл ашигтай төслүүдэд хөрөнгө оруулалт хийгээд энэ сангийнхаа хөрөнгийг бол өсгөж явж байдаг. Тэгэхээр энэ менежментийг хийх ёстой биш үү? хийх байх гэж найдаж байна. Уг нь бол зориулалтын банк нь Хөгжлийн банк гэж ойлгож байгаа. Тэгтэл Хөгжлийн банк бол ийм чадваргүй гэж харагдаж байгаа. Тэгэхээр энэ дээр ямар бодлого барих вэ? Сангийн менежментийг ямар менежментийн баг хийх вэ?

Түүний асуултад Засгийн газрын хэрэг эрхлэх газрын дарга Н.Учрал хариуллаа.