УИХ-ын чуулганы /2025.01.16/-ны өдрийн хуралдаанаар Санхүүгийн зохицуулах хорооны дарга, зарим гишүүнийг томилох, чөлөөлөх тухай асуудлыг хэлэлцлээ.

УИХ-ын гишүүн А.Ариунзаяа дараах асуултыг байр суурийг илэрхийллээ.

СЗХ-ны Хяналтын зөвлөлд удирдлага гишүүдээр дэвшиж байгаа бүх залуучуудыг дэмжиж байна. Сая мэргэжлийн байнгын хороо ажиллаад асуулт хариултад суурилж дүгнэлтээ гаргаж та хэд маань чуулганд орж ирж байна. СЗХ Санхүүгийн зах зээлийн 3 тулгууртай байгаагийн 2 тулгуурыг нь хариуцдаг. Банкны салбар, даатгалын салбар, хөрөнгийн зах зээл гээд 3 лгууртай гэж үзэх юм бол 2 нь СЗХ хариуцдаг. Банк бусууд бас СЗХ-нд ордог. Санхүүгийн зах зээл маань 95% нь банкны салбар эзэлсэн байгаа нь өнөөдөр СЗХ-ны ажил хэчнээн сайжрах ёстойг илтгэж байгаа юм аа.

Хяналтын зөвлөл маань СЗХ-ны зөвхөн одоо хянах бус харин зөвлөн туслах үйлчилгээг сайн явуулах ёстой. Эдийн засгийн байнгын хороонд харьяалагддаг учраас хорооны гишүүдээ байнга мэдээлэлжүүлжхяналтын чиг үүргээ зөв зөвлөн туслах чиг үүргээ маш сайн хэрэгжүүлээрэй.

Даатгалын салбартаа анхаараарай гэж захья аа. Дүрэм журам гарахаас өмнө хуульд нийцэж байгаа юм уу үгүй юү? Хуульд нийцсэн байгаа бол ямар нэгэн улс төрийн нөлөөллөөр өөрчлөхгүй байхыг анхаарах. Хамгийн гол нь иргэдийгээ мэдээлэлжүүлэх, мэргэжлийн оролцогчдын саналыг авч яг энэ салбараа зах зээлийнх нь журмаар нь хөгжүүлэх тал дээр бас анхаараарай.

А.Ариунзаяа: СЗХ-ны зөвхөн хянах бус зөвлөн туслах үйлчилгээг сайн явуулах ёстой