УИХ-ын гишүүн П.Алтангэрэл “Цөмийн энергийн тухай” хуулийн хэрэгжилтийн өнөөгийн байдлын талаарх мэдээллийг сонсохоор УИХ-ын даргад албан бичиг хүргүүллээ.

Эрхэм гишүүн албан бичигтээ “УИХ-ын гишүүн П.Алтангэрэл миний бие Монгол Улсын Их Хурлын тухай хуульд заасан бүрэн эрхийнхээ хүрээнд Эрдэс баялаг, эрчим хүчний сайд Д.Зоригтоос “Цөмийн энергийн тухай” хуулийн хэрэгжилттэй холбоотой асуудлаар яаралтай мэдээлэл сонсох шаардлагатай байгаа тул 2010 оны 10 дугаар сарын 15-ны өдрийн Засгийн газрын мэдээллийн цагт оруулж өгнө үү.” гэжээ.