Монгол Улсын Ерөнхийлөгч Ухнаагийн Хүрэлсүхийн Бүгд Найрамдах Турк Улсад хийж буй төрийн айлчлалын хүрээнд Эрүүл мэндийн сайд Т.Мөнхсайхан БНТУ-ын Эрүүл мэндийн сайд Др. Кемал Мемишоглу нар “Эрүүл мэнд, анагаахын шинжлэх ухааны салбарт хамтран ажиллах тухай” Засгийн газар хоорондын хэлэлцээрт гарын үсэг зурлаа.

Мөн шинээр байгуулагдах “Хавдар судлалын үндэсний оношилгоо, эмчилгээний төв”-ийг барьж байгуулахад хамтран ажиллахаар тохиролцсоныг Монгол Улсын Ерөнхийлөгч У.Хүрэлсүх айлчлалын үеэр хэлсэн үгэндээ онцлон тэмдэглэв.