УИХ-ын чуулганы /2025.01.23/ны өдрийн хуралдаанаар Хархорум хотын бүтээн байгуулалт, хөгжлийг дэмжих тухай хуулийн төсөл болон хамт өргөн мэдүүлсэн хууль, тогтоолын төслүүдийн эцсийн хэлэлцүүлгийг хэлэлцлээ.

Уг асуудалтай холбоотойгоор гишүүд асуулт асуулаа_

УИХ-ын гишүүн Б.Баярбаатар:

Шинэ Хархорум хотын хуультай холбоотойгоор газар эзэмшүүлэх, ашиглуулах гэсэн хоёр заалт өнгөрсөн чуулган дээр саналаар унасан. Уг нь газрын хууль дээр шийдэгдээд явах боломжтой зүйл дээр хөрөнгө оруулалт татах, эрх зүйн орчныг нь хуулиараа нээгээд өгчихсөн бол зүгээр байсан. Монгол Улсын Ерөнхийлөгч Бүгд Найрамдах Турк улсад айлчлаад Хархорум хотын хөрөнгө оруулалтын санамж бичиг дээр гарын үсэг зурсан. Бид нар эрх зүйн орчныг нь нээж өгөх нь зүй ёсны асуудал. Өчигдөрийн байнгын хорооны хуралдаанаар концепцийг нь УИХ-аар батлуулахаар болсон. Төлөвлөлтийг нь УИХ баталж болно харин концепцийг нь Засгийн газраар батлуулах нь зүйтэй. Одоо чуулган завсарлаад 03 сарын 15ныг хүртэл цугларахгүй. Тиймээс тэр болтол энэхүү концепци батлагдахгүй юм байна. Тийм учраас энэхүү концепцийг Засгийн газраар батлуулж болохгүй юу?       

Түүний асуултад УИХ-ын гишүүн Г.Тэмүүлэн хариуллаа.