УИХ-ын чуулганы /2025.01.24/-ний өдрийн хуралдаанаар “Нийслэл Улаанбаатар хотын 2040 он хүртэлх хөгжлийн ерөнхий төлөвлөгөөг батлах тухай” Улсын Их Хурлын тогтоолын төслийг хэлэлцэх эсэхийг хэлэлцлээ.

Хэлэлцэж буй асуудалтай холбогдуулан гишүүдийн асуусан асуултад Ерөнхий сайд Л.Оюун-Эрдэнэ хариуллаа. 

2040-ийг оруулж ирж байгаа шалтгаан нь нийслэл Улаанбаатар хотыг парламент олон нийт хамтдаа маш сайн ойлгох ёстой. Ойлголтуулыг нэгтгэх үүднээс Ерөнхий сайд ч гэсэн шуурхай штаб байгуулаад ажиллаж байгаа.Төслүүд хоорондоо эрэмбэлэгдээгүй. Зам тээврийн яам, эрчим хүчний яаман дээр эхлүүлсэн олон төслүүд, нийслэл, олон улсын байгууллагууд, хувийн хэвшлүүд дээр хэрэгжүүлж байгаа гээд энэ бүх төслүүдийг нэгдсэн эрэмбэ буюу тэр контрол тауверт бид нар оруулж чадаагүйгээс болоод маш их цаг алдчихсан. ТЭЗҮ-нүүд ньзөрчихсөн ийм асуудлууд байгаа. Тийм учраас 2040-ийг оруулж ирж байна. Нэлээн том хэмжээний хэлэлцүүлэг болоосой гэж бодож байна. Жишээлбэл газрын доор шугам булчихсан. Энэ шугамуудыг хөрөнгө оруулалт хийхгүй байсаар байгаад одоо хийвэл багадаа л 2 тэрбум доллар тэгтэл 1 тэрбум долларын хөрөнгө оруулалт хийхэд л бид нар төлбөрийн тэнцэл дээр алдаа гардаг. Тэгвэл энийг бид нар улсын төсвөөр хийж чадах уу үгүй юу? Нийт энэ төслүүдийг хэрэгжүүлэхэд багадаа 70 орчим тэрбум долларын шаардлага нийслэл Улаанбаатар хотод төвлөрчихсөн байна.Тийм учраас бид нар ил тод энэ асуудлуудаа ярих нь зүйтэй. Хаврын чуулганаар бид нар татвар, нийгмийн даатгал, хөрөнгө оруулалт, тендерийн багц хуулийг оруулж ирнэ. Энэ нь бизнес хөрөнгө оруулалтын таатай орчныг бүрдүүлэх байдлаар хөрөнгө оруулалтыг яаж татах вэ гэдэг дээр асуудлууд гаргана. Нийслэл Улаанбаатар хот болон барилга хот байгуулалтын яам бол энэ төслүүдийг эрэмбэлэх нь зүйтэй. Тийм учраас энэ төслүүд концепцын эрэмбэ санаан дээр тогтох нь зүйтэй.

Сэтгүүлч

Сэтгүүлч Б.Хонгорсайхан