УИХ-ын чуулганы /2025.01.24/-ний өдрийн хуралдаанаар “Нийслэл Улаанбаатар хотын 2040 он хүртэлх хөгжлийн ерөнхий төлөвлөгөөг батлах тухай” Улсын Их Хурлын тогтоолын төслийг хэлэлцэх эсэхийг хэлэлцлээ.

Уг асуудалтай холбоотойгоор гишүүд асуулт асууж, үг хэллээ.

УИХ-ын гишүүн Б.Мөнхсоёл: 

Өдрийн амгаланг айлтгая. Энэ документ бол иж бүрнээрээ маш олон мэдээлэлтэй төлөвлөгөөтэй ирсэн. Үүн дээр бусад гишүүд ч гэсэн асуудал хөндөөд байна.  2030 он хүртэл 96,6 их наяд төгрөг хэрэгтэйгээс улсын төсвөөс 57,4 их наяд гэсэн байна. Дунджаар жилд 9 их наяд төгрөг хэрэгтэй юм байна. Үүнийг босгох тал дээр хувийн секторыг орхиод байна. Энэ дээрсанаа зовниж байна. Хоёрдугаарт аргачлал бол чухал. Аргачлалын цаана хүрэх зорилт, шалгуур үзүүлэлт орсон байх ёстой. Орсон гэж хариулж байна үүн дээр нэмэлт мэдээлэл өгөхөд 2020 он онд ЕСБХБ-аас төсөл хэрэгжүүлсэн. Тэрэн дээр гол аргачлал нь тулгамдсан асуудал, төлөв байдлын үнэлгээ, хариу авах арга хэмжээ. Үүний хүрээнд гол 7 асуудал. Эрчим хүч, тээвэр, нийтийн тээвэр, барилга, газар ашиглалт, ус, хог хаягдал гэх мэт. Энэ салбарын асуудлуудыг үнэлээд хамгийн эцэст нь 40, 32 бүүр задаргаатай 14 төрлийн төслийн санааг боловсруулсан юм. Тэгэхээр энэ аргачлалын үр дүн энэ Европын Холбооны 15 хотод хэрэгжсэн Азиас ганцхан Монгол тухайн үедээ сонгогдож байсан. Энэ төслийг хэрхэн босгох вэ гэдэг дээр Грийн Клаймэт ченжфанд гэдэг олон улсын санхүүгийн байгууллагуудаас хөрөнгө мөнгө босгох боломжтой. Түүний тулд ногоон хотын үйл ажиллагааны төлөвлөгөөг боловсруулсан. Түүний хэрэгжилт ямар байгааг сайн мэдэхгүй байна. Тухайн үед бол хотын захиргаа баталсан байдаг. Өнөөдрийн гаргасан энэ 2040 төлөвлөгөө маань одоогийн байгаа хотын засаг захиргааны бүтэц, менежмент мөн засаглалын байдалд нь хэрэгжих боломжтой юу? үгүй юу? гэдэг дээр хариулт өгөөч ээ. 

Түүний асуултад Нийслэл хотын засаг дарга Х.Нямбаатар хариулав.

Сэтгүүлч

Сэтгүүлч Б.Хонгорсайхан