Татварын хуулийн шинэчлэлд иргэд, аж ахуй нэгжээс энэ сарын 17-ноос эхлэн санал авч буй.

Тус санал хураалтыг хоёрдугаар сарын 16-ныг дуустал татварын албан ёсны сайт болон eBarimt платформоор дамжуулан иргэд саналаа өгөх боломжтой. 

Энэ талаар УИХ-ын гишүүн Д.Энхтүвшин “Таны идэвхитэй оролцоо маш чухал байна. Он солигдох мөчид Ерөнхий сайд иргэд, аж ахуйн нэгжүүдийн санал дээр үндэслэн татварыг шинэчлэлийг хийхээ зарласан. Татварын хуулийг сайжруулах саналуудаа 2 сарын 16-с өмнө, эртхэн энэ холбоос руу явуулаарай.

Мөн УИХ дээр гарсан татварын ажлын хэсгийн гишүүний хувьд миний имэйл хаяг enkhtuvshin@parliament.mn руу давхар явуулж болно” хэмээн мэдээлэв.