Нийгмийн бодлогын байнгын хорооны 2025-01-22-ний өдрийн хуралдаан боллоо. Хуралдаанаар урьдчилан сэргийлэх, эрт илрүүлгийн дүн, цаашид авч хэрэгжүүлэх арга хэмжээний талаарх Эрүүл мэндийн сайдын мэдээллийг сонслоо.

Уг асуудалтай холбогдуулан гишүүд асуулт асуулаа.

УИХ-ын гишүүн Д.Үүрийнтуяа:

Сэтгэцийн эрүүл мэндийн асуудал бол хүүхэд том хүн гэлтгүй сэтгэл эмзэглүүлсэн асуудал болж хувирч байна. Нас насны ангиллаар хэдэн хүн тутамд, нэг хүн сэтгэцийн эрүүл мэндийн асуудалтай байх эрсдэлтэй байна. Үүнд нөлөөлөөд байгаа гол хүчин зүйл ер нь юу юм бэ? Сэтгэцийн эрүүл мэндийн асуудалд оруулаад байгаа хамгийн чухал хүчин зүйл гээд нэрлэчихээр үзүүлэлтүүд байвал хэлээд өгчих. Эрт илрүүлэг дээр бодит нөхцөл байдлыг нь мэдээд байгаа учраас би асуугаад байгаа юм. Нийгмийн бодлогын байнгын хороо гэдэг бол ЭМЯ-ныхаа асуудлыг л одоо дэмжиж, тулгамдаж байгаа асуудлыг шийдвэрлэх тал дээр хамтарч ажиллах л чиг үүрэгтэй л хүмүүс. Тулгамдсан асуудлуудаа хэдүүлээ ний нуугүй яримаар байна.

Орон нутагт эмч нар тоног төхөөрөмжийн дутагдалтай байгаагаас өнөөдөр бид нар эрт илрүүлэгт хамрагдаж чадахгүй байна. Жишээлбэл, Хөвсгөл аймгийнхан Эрдэнэт рүү ирж хамрагдаж байна. Яагаад гэвэл Хөвсгөл аймагт эхо, компьютер томограф байхгүй. Эрт илрүүлэгт үзүүлчихье гэхээр энэ том аймгийн хэмжээнд тоног төхөөрөмж, эмч нарынх нь хангалт дутуу байна. Иймээс Эрдэнэт рүү зорьж үзүүлж байна. Энэ мэт асуудалтай аймгууд хэр олон байгаа юм. Судалгаагаа гаргаж, шаардлагатай хөрөнгө оруулалтаа үе шаттайгаар шийдвэрлэх, төсөв мөнгөн дээрээ ч гэсэн байнгын хорооны гишүүдээ зөв мэдээллээр хангаж ажиллах нь чухал байна. Энэ дээр бодитой мэдээлэл өгөөсэй гэж хүсэж байна.

Шим тэжээлийн дутагдал гэдэг чинь тураал эсвэл таргалалтаар илрэхгүй. Авах ёстой шим тэжээл, амин дэмээ хүнснээс авч чадаж байгаа юм уу үгүй юм уу? Үүн дээр дотуур байрны сургуульд сургуулийн насны хүүхдүүд дээр хийсэн дүн байгаа эсэхээ надад тодорхой хэлээд өгөөч.

Сэтгүүлч

Сэтгүүлч Б.Хонгорсайхан