УИХ-ын Эдийн засгийн байнгын хороо, Байгаль орчин, Хүнс хөдөө аж ахуйн байнгын хороо өнөөдөр намрын чуулганы тайлангаа танилцууллаа.

Тус байнгын хороодод УИХ-ын гишүүн П.Батчимэг харъяалагдаж, ажиллаж буй.

Тэрбээр хэлэхдээ “Эдийн засгийн байнгын хороо намрын ээлжит чуулганы хугацаанд 22 удаа хуралдаж, давхардсан тоогоор 42 асуудлыг хэлэлцэн шийдвэрлэсэн бол Байгаль орчин, Хүнс хөдөө аж ахуйн байнгын хороо 9 удаа хуралдаж, 25 асуудлыг хэлэлцэн шийдвэрлэсэн байна.

Энэ хугацаанд хоёр байнгын хороо олон жил хөдөлгөж чадаагүй  байсан, эдийн засгийг эрчимжүүлэх чухал төслүүдэд анхаарал хандуулан, шахуу хуралдаж ажиллалаа. Мөн үүний зэрэгцээ иргэдийн эрүүл, аюулгүй орчинд амьдрах эрх зөрчигдөж байгаа агаарын бохирдлын асуудлаар Байгаль орчин, Хүнс хөдөө аж ахуйн байнгын хорооноос утааны сонсгол зохион байгуулж байна” гэв.