УИХ-ын гишүүн, Гадаад харилцааны сайд Б.Батцэцэг Цагдаа, дотоодын цэргийн байгууллагын удирдах ажилтны нэгдсэн зөвлөгөөнд оролцож Монгол Улсын гадаад орчин, олон улсын харилцааны чиг хандлага, манай улсын хэрэгжүүлж буй бодлого, үйл ажиллагаа, гадаад бодлогын “нэг цонх”-ны зарчмын талаар илтгэл танилцууллаа.

Тэрбээр хэлсэн үгэндээ,

"Манай улсын зэвсэгт хүчин, цагдаагийн алба хаагчид үүрэг гүйцэтгэдэг НҮБ-ын энхийг сахиулах ажиллагааны талаар санал солилцсондоо баяртай байна. Цагдаагийн багийг НҮБ-ын энхийг сахиулах ажиллагаанд оролцуулахад ач холбогдол өгч байгаа.

Цагдаагийн байгууллагаас гэмт хэрэг, зөрчлөөс урьдчилан сэргийлэх ажлыг эрчимжүүлж, энэ чиглэлээр авч хэрэгжүүлж буй арга хэмжээ, нөлөөллийн аянууд бодит үр дүнгээ өгч байгаад баяртай байдгаа илэрхийлье.

Төр, ард түмнийхээ төлөө зүтгэж, нийгэмд шударга ёс тогтоох, хүний эрх, эрх чөлөөг хангах үүргээ нэр төртэй биелүүлж байгаа Цагдаагийн байгууллагын нийт бие бүрэлдэхүүнд ажлын өндөр амжилт, сайн сайхныг хүсье" гэв.

Б.Батцэцэг: Гэмт хэрэг, зөрчлөөс урьдчилан сэргийлэх ажлыг эрчимжүүлж, авч хэрэгжүүлж буй арга хэмжээ, нөлөөллийн аянууд бодит үр дүнгээ өгч байна