УИХ-ын Аюулгүй байдал, гадаад бодлогын байнгын хороо энэ сарын 27-нд хуралдаж, Ганц мод-Гашуунсухайтын хил холболтын асуудлыг хэлэлцсэн.

Энэ үеэр УИХ-ын гишүүн Д.Энхтүвшин “УИХ-ын тогтоолд тусгагдаагүй, Хятадын компаниудад илүү ашигтай заалтууд нэмж оруулж ирснийг засахаас нааш хэлэлцээрийн төслийг дэмжих боломжгүй гэдгээ илэрхийлсэн.

Үүнээс хойш хоёр хоногийн түүний эхнэрийн компанид татварын шалгалт оруулах албан бичгийг ирүүлсэн байна.

Уг асуудалтай холбогдуулан УИХ-ын гишүүн Д.Энхтүвшин “Өчигдөр орой гэртээ ирсэн чинь эхнэр ийм бичиг үзүүлж байна. Хэн нэгэн даргад учруулж болзошгүй эрсдэлд суурилж татварын албанаас эхнэрийг өөрийг нь болон хамааралтай компаниудад нь татварын шалгалт оруулж байгаа юм байна. Мөрөөрөө цалингаас цалингийн хооронд, зээлээс зээлийн хооронд тэмцэж яваа бүсгүйг яах нь вээ дээ. Хулгай хийсэн биш шалгаад ч гэм гарахгүй. Цаад санаа нь намайг л дуугүй болгох байх. Ард түмний эрх ашгийг хамгаалсны төлөө жирийн иргэнээс УИХ-ын гишүүдийг хүртэл янз бүрээр дарамталж байгаа нь төрийн эрхийг бүлэг дээрэмчид эзэлсэн мэт. Би өргөсөн тангараг, Үндсэн хуулийг сахиж нийтийн эрх ашгийн төлөө хэлэх үгээ хэний ч дарамт шахалт, сөрөг суртал ухаалгаас үл айн илэрхийлнэ” хэмээн байр сууриа илэрхийлэв.

Д.Энхтүвшин: Эхнэрийн маань хамааралтай компаниудад татварын шалгалт оруулахаар болж. Намайг дуугүй болгох гэж тэр