2024 оны 06-р сарын 05-нд баталж байсан Шүүх байгуулах тухай хуулийн дагуу энэ оны 01-р сарын 01-нээс Дүүргийн эрүү, иргэний хэргийн хялбар ажиллагааны анхан шатны тойргийн шүүх үйл ажиллагаагаа явуулж эхэлсэн билээ. ХЯЛБАР АЖИЛЛАГААНЫ ШҮҮХ!!! Өнөөдөр албан ёсныхоо нээлтийг хийлээ. Монгол Улсын шүүхийн түүхэнд шинэ хуудас нээгдэж байна.

Ажил нь дөнгөж эхлээд л 24-хөн хоногийн дотор эрүүгийн, иргэний, зөрчлийн хэрэг болон прокурорын дүгнэлт 2486, таслан сэргийлэх 231 санал шийдвэрлэсэн байна. Өөрөөр хэлвэл хэдхэн хоногийн дотор дээрх тооны иргэн, аж ахуйн нэгжийн маргаан, асуудал урьдынхаас хамаагүй (1)хялбар замаар, (2)богино хугацаанд, (3)зардал багатайгаар, (4)шуурхай шийдэгджээ гэсэн үг. Иргэнд ээлтэй эргэлт гэж хэлж болно. Энэ шүүх мөн 24 цагаар жижүүрийн шүүгч ажиллуулах зохицуулалттай болсноор шүүхийн шийдвэргүйгээр хүнийг баривчлах асуудлыг таслан зогсоож байгаа юм.