УИХ-ын гишүүн Б.Бат-Эрдэнэ гишүүний тангараг өргөснөөс хойш, өөрийн сонгогдсон тойрог болох Хөвсгөл, Булган аймгийг бүтэн тойрч иргэдтэй уулзаж дуусгасан. Тэгвэл намрын чуулган завсарлаад буй энэ өдрүүдэд УИХ-ын гишүүн Б.Бат-Эрдэнэ Л.Энх-Амгалан, Б.Үүрийнтуяа, Б.Баярбаатар нарын гишүүд Орхон аймгийн иргэд, хөдөлмөрчидтэй уулзалт хийж, санал бодлыг нь сонсож ажиллав.

2668 иргэд, хөдөлмөрчидтэй уулзаж, ирүүлсэн санал, хүсэлт, асуултуудад эргэх холбоотой ажиллав

Тодруулбал, Орхон аймгийн Баян-Өндөр сумын 29 баг болон 7-н төрийн байгуулага иргэд, хөдөлмөрчидтэй уулзсан бөгөөд нийтдээ 2668 иргэн оролцсон байна. Ингэхдээ тэрбээр, УИХ-аар баталж, Бүс, орон нутгийн хэмжээнд хэрэгжүүлэхээр Монгол Улсын Засгийн газрын хөтөлбөрт тусгагдсан ажлуудын талаар танилцуулж, иргэдийн санал, хүсэлтийг хүлээн авч, иргэдтэй санал, бодлоо хуваалцан, хэлэлцүүлэг өрнүүлж, ажилласан юм. Иргэдээс саналыг нээлтэй микрофон, цаасаар болон QR код бүхий холбоосоор цахим хэлбэрээр тус тус авсан болно.

Нээлттэй микрофоноор 109, саналаа цаасан хэлбэр 1216, QR код бүхий холбоосоор 107 иргэн тус тус санал бодлоо илэрхийлж, асуулт тавив.

Түүнчлэн уулзалт, хэлэлцүүлэгт оролцож буй иргэд, хөдөлмөрчдөөс цаасан болон цахим хэлбэрээр ирүүлсэн санал, хүсэлт, асуултуудыг тухай бүрд нэгтгэн, УИХ-ын гишүүдэд хүргүүлж, эргэх холбоог шуурхай хангаж ажиллалаа.

Орхон аймаг, Зэст, Оюут, Уурхайчин баг /2025-01-30/

УИХ-аар баталж, бүс орон нутгийн хэмжээнд хэрэгжүүлэхээр Засгийн газрын хөтөлбөрт тусгагдсан ажлуудын талаар танилцуулж, иргэдийн байр суурь, санал сэтгэгдлийг сонслоо.

Орхон аймаг, Баян-Өндөр сумын Согоот, Найрамдал, Чандмань баг /2025-01-30/

Улаанбаатар хотын алдааг Эрдэнэт давтах ёсгүй!

УИХ-ын гишүүн Б.Бат-Эрдэнэ:

"Эрдэнэт хот маань Хойд бүсийн хөгжлийн төв. Гэтэл өнөөдөр утаатай, дэд бүтцийн төлөвлөлт муу байна. Монгол Улсын Засгийн газар Баялгийн сан, Хуримтлалын сан, Ирээдүйн өв санг байгуулж, үр ашгийг нь хүртээж эхэлсэн. Хуримтлалын санг иргэдийнхээ боловсрол, эрүүл мэнд, орон сууцанд зарцуулахаар төвлөрүүлж эхэлсэн. Иргэдийн амьдралын чанарыг сайжруулах, утааг бууруулах нэг шийдэл нь ОРОН СУУЦЖУУЛАХ. Орон сууцжуулах бодлогыг ганцхан нийслэлд биш орон нутагт түлхүү олгож, амьдралын чанарыг сайжруулна. Нөгөө талаар газар зохион байгуулалт, хот төлөвлөлтөө зөв хийхгүй бол нийслэлийн алдааг орон нутгуудад давтаж, түгжрэлтэй, утаатай, орчны бохирдолтой аймгийн төвүүд бий болох эрсдэлтэй. Иргэдээс ирж буй нийтлэг санал хүсэлтэд ч дээрх саналууд байна. Цаашдаа бүсийг төлөөлж буй УИХ-ын гишүүд, орон нутгийн удирдлагууд хамтран зөв бодлого, төлөвлөл тээр дээрх алдааг засна" гэв.

Орхон аймаг Уртбулаг, Хүрэнбулаг, Бүрэнбүст баг /2025-01-30/

Төвийн багуудын тухайд харьцангуй дэд бүтэц хөгжсөн өрхийн эрүүл мэндийн асуудал шийдэгдсэн, ногоон байгууламж, камержуулалтын сайтай хэдий боловч дараах асуудлыг иргэд шийдвэрлэх шаардлагатайг иргэд хэлэв. Тухайлбал,

Байр хоорондын зогсоолын хүрэлцээ
Микр бүрт байх сургууль цэцэрлэгийн хүртээмжийг нэмэгдүүлэхийн тулд өргөтгөл хийх
Хотын ерөнхий төлөвлөлтийг эргэн харах, микр хуваах, зөв төлөвлөлтийг хийхгүйгээс болж бөөгнөрөл үүсэх асуудал үүссэн.
Хүрэнбулаг багт байрлах 10р цэцэрлэгийн сангийн асуудлыг шийдвэрлэх
Уурхайчин хороолол баригдаж шинэ хороолол бий болсон ч тухайн бүсэд сургууль цэцэрлэггүй байна.
Анхнаасаа хотхон хэлбэрээр барилгын зөвшөөрөл өгч байгаа бол сургууль цэцэрлэг эмнэлэг гээд зэрэг ашиглалтанд өгдөг байх асуудлыг шийдэх хэрэгтэй.

14 мега төслийг Эрдэнэтчүүд бүрэн дэмжиж байна

Орхон аймаг, Уртын гол, Баянцагаан, Малчин, Цагаанчулуут баг /2025-01-31/

Иргэдийн зүгээс,

Хот тосгоны тухай хуулиа өөрчилж Орхон аймгийг Эрдэнэт хот болгох,
Цахилгаанаар гэрээ халааж буй айл өрхүүдийг урамшуулдаг системийг нэвтрүүлэх,
Монгол улсад маш их хэмжээгээр янз бүрийн жимс, ногоо чихэр орж ирж байна. Үүнд хяналт тавих,
Өрхийн үйлдвэрлэл эрхлэгч нараа дэмжих бодлогыг төр хийх
Дутуу баригдсан сургууль цэцэрлэгийн барилгыг хурдан хугацаанд чанартай хийж дуусгах
Шинэ орон сууц, шинэ хотхон бий болгож байгаа бол давхар сургууль цэцэрлэг тоглоомын талбайн асуудлыг шийддэг байх
Их хаадын цуваа орон сууц 450 хүүхдийн эх ашгийг хөндөж байна. Сургууль цэцэрлэггүй байна. Энэ оны орон нутгийн төсөвт Их хаадад цэцэрлэг барих ажил тусгагдаагүй хасагдсан.
ТОСК барилгыг дахин барьж иргэдэд хөнгөлөлттэй түрээсийн хэлбэрээр олгох
Машин задаргааны газруудыг хотын гадна нүүлгэх, Ялангуяа Цагаанчулуут багт вьетнам засвар, задаргаа маш их байдаг.
Агаар хөрсний бохирдлыг буулгах тал дээр аймаг анхаарч аймгийн хөрсний бохирдол хэр хэмжээнд байна вэ. Гэх мэт баг орон нутагт тулгамдаж буй асуудлаар санал бодлоо илэрхийлж байна.

Орхон аймаг, Жаргалант сум /2025-02-01/

Иргэдийн зүгээс газар тариалан, мал аж ахуйгаа газар нутгийн хувьд зохицолдолгоо хийж өгөхгүй бол мал бэлчээрлэх газаргүй болсон тухай өгүүлэв. Мөн тарьсан ногоогоо Эрдэнэт хот, Эрдэнэт үйлдвэрт шууд нийлүүлэх эрхзүйн орчныг бүрдүүлэх хэрэгтэй байгаа болон Жаргалант сумын тэхий дундуур замын пост тавьсан нь харалган шийдвэр болсон тухай шүүмжлэл өрнүүллээ.

Б.Бат-Эрдэнэ: Улаанбаатар хотын алдааг Эрдэнэт давтах ёсгүй!