Хүүхэд хамгааллын үйл ажиллагаа нь ТҮГЭЭМЭЛ, ЗАЙЛШГҮЙ, ТАСРАЛТГҮЙ, БҮХ ТАЛЫН ҮҮРЭГ ОРОЛЦООТОЙ явагдах учиртай. Үүнтэй уялдуулан “Хүүхэд хамгааллын тухай” хуулийн шинэчилсэн найруулга 2024 оны 1 дүгээр сарын 17-ны өдөр УИХ-аар батлагдаж, 2024 оны 9 дүгээр сарын 1-нээс хэрэгжиж эхэлсэн. Энэ хуульд ХҮҮХЭД ХАМГААЛЛЫН асуудалд бүх талын үүрэг, оролцоо хариуцлага чухал болохыг тусгаж, хэн хэрхэн хамгаалах вэ гэдгийг тодорхой зааж өгснөөрөө онцлогтой.

Тухайлбал,гэр бүлийн орчинд, боловсролын орчинд, тэр бүү хэл цахим орчинд хэрхэн хамгаалахыг нарийвчлан тусгасан.

Хүүхэд хамгааллын үйлчилгээнд хүүхдийн оролцоог хангах, санал бодлыг тусгах, дэмжих,
Гэр бүл, нийгмийн орчин дахь хүүхэд хамгааллыг өргөжүүлж, эцэг, эх асран хамгаалагч харгалзан дэмжигчийн үүрэг, оролцоо, хариуцлагыг нэмэгдүүллээ,
Цахим орчин дахь хүүхэд хамгааллыг тусгаж, үүнтэй уялдуулан Зөрчлийн тухай хуульд холбогдох шийтгэлийг оногдууллаа,
Хурдан морины уралдаанч хүүхдийн хамгаалал,
Гамшиг, онцгой нөхцөл байдлын үеийн хүүхэд хамгаалал,
Хэрэг хянан шийдвэрлэх ажиллагаа дахь хүүхэд хамгаалал,
Боловсрол, соёлын салбар дахь хүүхэд хамгааллыг өргөжүүллээ,
Салбар бүр хүүхэд хамгааллын үйлчилгээ үзүүлэхэд шаардагдах зардлыг жил бүрийн төсөвтөө тусган хэрэгжүүлэх,
Сум, хороонд хүүхэд, гэр бүлийн нийгмийн ажилтан ажиллах,
Хүүхдийн эрхийн улсын байцаагчийн эрх зүйн байдал, чиг үүрэг,
Олон нийтийн байцаагч ажиллах
З асгийн газар, хүүхэд хамгааллын байгууллагын удирдлага, зохион байгуулалтыг шинээр тодорхойлсон,

Одоо батлагдсан хууль амьдрал дээр хэрэгжиж, үр дүн гарах нь чухал байна.

С.Зулпхар: Хүүхэд хамгааллын тухай хуулийн хэрэгжилтийг хангах нь чухал байна