Татварын багц хуулийн шинэчлэлийн хүрээнд ХХОАТ, ААНОАТ, НӨАТ-ын хуулиудад ямар өөрчлөлт орох талаар УИХ-ын гишүүд мэдээлэл өглөө.

Тодруулбал тус ажлын хэсгийн гишүүн, УИХ-ын гишүүн Р.Батболд “Татварын багц хууль 4 дэх удаагаа шинэчлэгдэх гэж буй. Сүүлд и-баримт, татварын буцаан олголтыг нэмж баталсан. Өнөөдрийн байдлаар харахад НӨАТ-ын хэрэгжилт сайн байгаа ч дахин засах аар, саар зүйл бий. 2020 оноос хойш ДНБ хоёр дахин өссөн байна. Татвар төлөгчид, ирэгд, эдийн засгийн эрдэмтдийн саналд үндэслэн дараах саналуудыг Татварын тухай багц хуульд тусгуулахаар Сангийн яамд хүргүүллээ” хэмээн мэдээлэв.

Ажлын хэсгээс хуулийн төсөлтэй холбоотой дараах мэдээллийг өгсөн юм.

НӨАТ-ын тухай хуульд шаталсан албан татварын тогтолцоог нэвтрүүлэх нь зүйтэй гэж үзлээ. Энэ нь амьжиргааны доод түвшин, хөдөлмөрийн хөлсний доод түвшинтэй уялдах юм. Иргэн бүр худалдан авалтын

Эхний босго дүнгээр 100 хувийн буцаалтыг авдаг байх,
500-800 мянган төгрөгийн худалдан авалтын 50 хувь,
800 мянгаар дээш худалдан авалтад 20 хувийн татварын буцаалт авдаг байх нь зүйтэй гэж үзлээ.

Энэ бол сүүлийн жилүүдэд 20 гаруй орон хэрэглэдэг шаталсан аргачлал юм. НӨАТ-гүй бараа авах, зарах үзэгдэл байхгүй болно гэсэн үг.

Мөн ААН-үүдийн хувьд хуримтлалтай холбоотой асуудал тулгардаг. НӨАТ төлөх ААН-үүдэд тодорхой хугацаа өгөх шаардлагатай гэж үзсэн. Импортоор бараа авахад гаалийн татвар, НӨАТ урьдчилж давхар төлдөг. Тиймээс 2-3 сарын хугацаа өгч НӨАТ-аа төлдөг байх нь зүйтэй гэж үзэв.

Өнөөгийн хуулиар, ААН-ын нэмэгдсэн өртгийн албан татвар дээр ЖДҮ-г дэмжих зорилгоор 300 саяас 1 тэрбум төгрөгийн орлоготой ААН-үүд 1 хувийн татвар төлөх боломжтой байдаг. Үүнийг эдийн засаг, инфляцтай уялдуулж тодорхой хэмжээнд нэмэгдүүлэх асуудлыг тусгасан. Мөн 6 тэрбумаас дээш орлоготой ААН-үүдэд шатлалыг оновчтой тогтоох шаардлагатай байна. Учир нь мөн тооны орлоготой ААН 25 хувийн татвар оногддог учир компаниа задлах, хиймлээр үүсгэх тохиолдол гардаг.

ХХОАТ-ийг дээд хэмжээг 10 хувиар тогтоох, мөн шаталсан байдлаар хөнгөлөх байх саналыг Сангийн яамд хүргүүлэх аж.

НӨАТ-ын тухай хуульд шаталсан албан татварын тогтолцоог нэвтрүүлэх нь зүйтэй гэж үзжээ