Үндсэн хууль, Улс төрийн намын тухай хууль, Сонгуулийн тухай хуулийн томоохон өөрчлөлтийн үр дүнд 2024 оны ээлжит сонгуулийн дараа эмхлэн байгуулагдсан шинэ Парламент 126 гишүүнтэй, 5 улс төрийн намтай, 81 анх удаа сонгогдсон гишүүнтэй, 32 эмэгтэй гишүүнтэй, олон үзэл санаа, олон төлөөллөөс бүрдсэн.

Хамтарсан засгийн газар байгуулж, урт хугацаанд шийдвэрлэж чадаагүй томоохон төсөл, хөтөлбөрүүдийг зориг гарган хамтдаа шийдвэрлэн ажиллаж байна. Засгийн газрын дэвшүүлсэн "Хурдтай хөгжлийн төлөөх зориг" үйл ажиллагааны хөтөлбөрийн бид хамтдаа Парламентын мэтгэлцээний зарчмаар баталж өгсөн. Одоо биелэлтийг шаардаж, алдааг засаж залруулж, үр дүнтэй ажиллах нь чухал.

Засаглал тогтворгүй байснаар алдах зүйл нь онох зүйлээс хавьгүй илүү гэдгийг түүх бидэнд гэрчилнэ. Сүүлийн 30 жилийн нэг Засгийн газрын дундаж засаглалын хугацаа 1 жил 7 сар байснаар бид хөгжлийн боломжуудаа алдсан уу гэхээс хожоогүй нь лавтай. Засгийн газар тогтвортой байх нь чухал. Шинэ үе, залуучууд бид нэгдэж улс орныхоо хөгжлийг хурдасгах үүрэгтэй гэж үздэг. Алдаа дутагдлыг засаж, залруулж, хамтдаа урагшилж байх нь чухал.Энэ бүгдийн цаана улс төрийн явцуу эрх ашиг байж болохгүй, гагцхүү улс орон, ард иргэдийн нийтлэг эрх ашиг л байх ёстой.

Сэтгүүлч

Сэтгүүлч Ц.Соёлмаа soyolmaa@vip76.mn