“Монгол Улсын хүн амын хоол тэжээлийн байдал” үндэсний VI судалгааны үр дүн танилцуулах уулзалт өнөөдөр боллоо. 

Эрүүл мэндийн яам, Нийгмийн эрүүл мэндийн үндэсний төв хамтран НҮБ-ын Хүүхдийн Сангийн санхүү, техникийн дэмжлэгээр уг судалгааг 2023-2024 онд Монгол Улсын эдийн засгийн 4 бүс, 21 аймгийн 112 сум, нийслэлийн 8 дүүргийн анхан шатны 200 түүврийн нэгжид зохион байгуулжээ. 

Цаашид хүн амын хоол тэжээлийн байдлыг сайжруулах, эрүүл хооллолтыг дэмжих чиглэлээр хэрэгжүүлэх арга хэмжээний зөвлөмж боловсруулах зорилготой аж. 

Тус уулзалтад УИХ-ын гишүүн О.Саранчулуун оролцсон бөгөөд “Тав хүртэлх насны нийт хүүхдийн 8.4% өсөлт хоцролттой, 1.5% тураалтай, 11.3% илүүдэл жинтэй байгаа. Сургууль цэцэрлэгт зориулсан хоол тэжээлийн урт хугацааны интервенц бодлогын болон практикийн түвшинд хэрэгтэй байна” гэсэн юм. 

Тэрбээр энэ асуудлаар өнөөдөр ЭМЯ дээр ажилласан бол дараагийн удаа Боловсролын яаман дээр ажиллана гэдгээ илэрхийлэв.