Төрийн өмчийн бодлого, зохицуулалтын газраас 21 аймгийн Орон нутгийн өмчийн газрын удирдлагуудад зориулсан "Төрийн болон Орон нутгийн өмчийн бүртгэл, удирдлага, зохицуулалтын цахим систем"-ийн шилжилтийн программыг нэвтрүүлэхэд чиглэгдсэн хурал 2025 оны 01 дүгээр сарын 23-ны өдөр ТӨБЗГ-ын Хурлын танхимд амжилттай болж өнгөрлөө.

Тус хурлыг ТӨБЗГ-ын Захиргаа, удирдлагын хэлтэс, Төрийн өмчийн бүртгэл, ашиглалтын хэлтэс, Төрийн өмчийн удирдлага, зохицуулалтын хэлтсээс хамтран зохион байгуулсан бөгөөд доорх сэдвийн хүрээнд нэгдсэн мэдээлэл хүргэснийг онцолж байна.

Хурлын үеэр ТӨБЗГ-ын Захиргаа, удирдлагын хэлтсийн дарга Д.Ганболд "23 модуль бүхий төрийн өмчийн бүртгэл, удирдлагын программ хангамжийн нэвтрүүлэлт, Төрийн болон орон нутгийн өмчийн тухай хуулийн бусад хуулийг хэрэгжүүлэх, Орон нутгийн өмчийн газрын бүтэц, зохион байгуулалт", Төрийн өмчийн бүртгэл, ашиглалтын хэлтсийн дарга Д.Нарангэрэл "Цахим системд орон нутгийн өмчийг бүртгэхэд анхаарах асуудал", Төрийн өмчийн удирдлага, зохицуулалтын хэлтсийн Удирдлага, төлөөллийн албаны дарга В.Дарханбаатар "Компанийн засаглал, үр ашгийн мэдээллийг бүртгэх, ил тод болгох", Захиргаа, удирдлагын хэлтсийн ахлах мэргэжилтэн Х.Энхчимэг "Төрийн захиргааны албан тушаалын тодорхойлолтыг албажуулах, мөрдөх тухай" сэдвүүдээр тус тус дэлгэрэнгүй мэдээлэл өгөв.

Түүнчлэн ТӨБЗГ-ын Төрийн өмчийн удирдлага, зохицуулалтын хэлтсийн мэргэжилтэн А.Молор, Захиргаа, удирдлагын хэлтсийн мэргэжилтэн Т.Мөнхбаяр нар "Цахим бүртгэлийн системийн модуль болон Мэдээлэл оруулах" талаар тодорхой мэдээлэл өгснийг дурдах нь зүйтэй.

21 АЙМГИЙН ОРОН НУТГИЙН ӨМЧИЙН ГАЗРЫН УДИРДЛАГУУДЫН ДУНД ХУРАЛ ЗОХИОН БАЙГУУЛЛАА