ХХААХҮ-ийн сайд Ж.Энхбаяр, Монгол Улсын Ерөнхийлөгч У.Хүрэлсүхийн хамт "Улаанбаатар хивс” компанийн үйл ажиллагаатай өнөөдөр танилцлаа. 

“Улаанбаатар хивс”  ХХК нь Монгол Улсын хөнгөн үйлдвэрийн салбарын хагас зууны түүхийг бүтээсэн.  

Тус компани “Алтанбулаг”, “Алтан өргөө”, “Саян”, “Улаанбаатар” зэрэг нэр төрлийн цэвэр ноосон хивс үйлдвэрлэдэг. Жилд дунджаар 55-60 мянган м2 хивс зах зээлд нийлүүлж байгаа нь дотоодод үйлдвэрлэдэг нийт хивсний 10-12 хувийг эзэлж байгаа юм. 

Тоног төхөөрөмжөө шинэчилж, хүчин чадлаа нэмэхээр төлөвлөж байгаа талаар компанийн удирдлагууд хэлж байна.