УИХ-ын даргын 82-р захирамжаар байгуулагдсан Жижиг, дунд үйлдвэр үйлчилгээг дэмжих тухай хуулийн хэрэгжилтийн үр дүнд үнэлгээ хийж, бичил бизнес эрхлэгчдийг дэмжих тогтолцоог оновчтой болгох, холбогдох хуулийн төслийг боловсруулах үүрэг бүхий ажлын хэсгийн гишүүд Дархан-Уул аймагт ажиллалаа.

Энэ хүрээнд Дархан-Уул аймгийн жижиг, дунд, үйлдвэр үйлчилгээ эрхлэгч, баялаг бүтээгчидтэй уулзаж, төрөөс баримталж буй бодлого, шийдвэрийг танилцуулан, шинээр боловсруулж буй хуулийн төсөлд бизнес эрхлэгчдийг дэмжих, одоо мөрдөгдөж буй хууль, эрх зүйн орчныг сайжруулах чиглэлээр санал сонсож, хэлэлцүүлэг өрнүүллээ.

Мөн энэ үеэр Дархан-Уул аймаг дахь ХХААХҮЯ болон Жижиг, дунд үйлдвэрийн газар, Хөдөө аж ахуйн бирж, Хөдөө аж ахуйн корпораци, Зээлийн батлан даалтын сангийн үйл ажиллагаатай танилцлаа.

Сэтгүүлч

Сэтгүүлч Б.Хонгорсайхан