Ази, Номхон Далайн Тогтвортой Хөгжлийн 12 дугаар форумд МУ-аас НҮБ-ын Ази, Номхон далайн эдийн засаг, нийгмийн комиссын дэргэд суугаа Байнгын төлөөлөгч, Элчин сайд А. Төмөр болон Жендерийн Үндэсний Хорооны Нарийн бичгийн дарга Т.Энхбаярын хамтаар оролцож байна.

Тогтвортой хөгжлийн зорилгууд буюу хүний төлөө чиглэсэн бодлого, төлөвлөлт, хүрсэн үр дүнгээр Монгол Улс нийт 167 орноос хангалтгүй буюу 99 дүгээр байранд жагсаж байна. Хийх ажил их гэсэн үг…

Тухайлбал, ТХЗ-д нийцсэн төсөв (+ жендерийн мэдрэмжтэй төсөвлөлт) нь хүйсийн тэгш боломжийг бий болгох, хүүхдийн эрхийг хангах, хөдөлмөр эрхлэлтийг дэмжих, ядуурлыг бууруулах, боловсрол, эрүүл мэндийн чанартай үйлчилгээ авах, нарийн яривал хөдөө орон нутагт сурагч охидын нойлын асуудал, өсвөр үеийнхний амиа хорлолт, залуусын архи, тамхины донтолт гэх мэт өргөн хүрээний асуудлыг шийдэхэд тустай, өндөр ач холбогдолтой юм.

Энэ удаагийн форумд МУ-ын ИНБ “Үндэсний сайн дурын илтгэл: Жендерийн тэгш байдалд чиглэсэн иргэний нийгмийн оролцоо” сэдэвт дагалдах арга хэмжээг зохион байгуулж буй бөгөөд үндсэн илтгэлийг Т.Энхбаяр тавьж, миний бие хэлэлцүүлгийг удирдаж, хаах юм.

Түүнчлэн чуулганы үеэр Сонсголын бэрхшээлтэй иргэдийн соёлын төв ТББ "Газар, Тэнгэрийн дундах цуурай: Сонсголгүй Монгол малчин" баримтат киноны бүсийн албан ёсны нээлт, гэрэл зургийн үзэсгэлэнг НҮБ-ын Ази, Номхон далайн эдийн засаг, нийгмийн комисс (АНДЭЗНК)-ийн төв байранд гаргахын сацуу уг сэдвээр салбар хуралдаан зохион байгуулж байна. Ийнхүү МУ-ын хувьд утга учир, оролцоо бүхий томоохон чухал арга хэмжээ болж байна.

Ази, Номхон Далайн Тогтвортой Хөгжлийн 12 дугаар форумд оролцлоо