Монгол Улсын Их хурлын чуулганы өнөөдрийн /2019.06.13/ нэгдсэн хуралдаанаар АТГ-ын зохион байгуулалтын бүтэц, орон тоо, албан хаагчийн албан тушаалын цалингийн хэмжээг шинэчлэн тогтоох тухай тогтоолын төслийг хэлэлцэж баталлаа. Уг тогтоолын төслийг гишүүдийн 69.6 хувиар дэмжсэн юм. УИХ-ын гишүүн М.Билэгт: "Авлигатай тэмцэх газрын орон тоог нэмэхийг дэмжиж байна. Цаашид ч нэмэгдүүлэх ёстой. Учир нь Монгол Улсын иргэд төрдөө итгэх итгэл жилээс жилд суларч байна. Одоо төрийн албан хаагч, өндөр албан тушаалтнуудыг үзэн ядах хэмжээнд хүрээд байна. Энэ бол сүүлийн 28 төр түшилцсэн улс төрчдөөс болж байна. Соён гэгээрүүлэх ажлыг сайн хийх ёстой гэдэгтэй санал нийлэхгүй байна. Төрийн үйлчилгээг илүү сайжруулья гэж энэ албанд очиж байгаа хүн соён гэгээрүүлэх ажлыг хийх ёстой биш шүү дээ. Өөрийн итгэл үнэмшлээр энэ албыг сонгоод очиж байгаа хүн тэр ичглэл, ёс суртахуунаараа байх ёстой. Ер нь төрийн бүх шатны албан тушаалд очиж байгаа хүнд АТГ тодорхойлолт өгч байгаа. Тиймээс эндээс эхлэх хэрэгтэй. Энэ хүн үнэхээр төрийн үйлчилгээг иргэдэд үзүүлэх гэж байна уу албан тушаалаа ашиглах гэж байна уу гэдгийг нягталдаг болмоор байна. Төрийн бүх шатны албан хаагч иргэдтэй хэрхэн харьцаж байгаагаас төрийг үнэлэх иргэний үнэлэмж, итгэл үнэмшил тогтож байна. Тиймээс эндээс анхаарах ёстой."
Монгол Улсын Их хурлын чуулганы өнөөдрийн /2019.06.13/ нэгдсэн хуралдаанаар АТГ-ын зохион байгуулалтын бүтэц, орон тоо, албан хаагчийн албан тушаалын цалингийн хэмжээг шинэчлэн тогтоох тухай тогтоолын төслийг хэлэлцэж баталлаа. Уг тогтоолын төслийг гишүүдийн 69.6 хувиар дэмжсэн юм. УИХ-ын гишүүн Б.Бат-Эрдэнэ: "Авлигатай тэмцэх газар соён гэгээрүүлж, урьдчилан сэргийлэх ажлаа хамгийн түрүүнд тавьж ажиллана гэлээ. Энэ байгууллагыг анх байгуулсаны гол зорилго энэ л дээ. Өмнө нь байсан удирдлагууд ийм чиглэлээр ажиллаж байсан. Хамтран тодорхой ажлууд хийж явсан. Харамсалтай нь удирдлагуудыг өөрчилж, тэр цагаас хойш хэл ам тасрахгүй байгаа. Нэг улс төрчийн цлс төрийн нөлөөгөөр ажиллладаг байгууллага болсон. Үүнийг өөрчилөх тухай хэлж байгааг дэмжиж байна. Энэ бүтэц орон тоонд удирдах албан тушаалтан нэмэгдэхгүй гэдэг нь зөв. Төрийн алба 200 мянган хүн болоод байна. Ихэнх нь удирдах албан тушаалтан. Нам бараадаж амиа аргацаадаг бүтэн үе, бүлэг үүсээд байна. Тэдэнд зориулсан тушаал гаргадаг. Өмнө нь бид шүүмжилдэг байсан. Дарга удирдах бүрэлдэхүүн дүүрэг газар хэлтэсгүй олон орлогч бий болсон. Мөн Төрийн өмчит компанийг хэдэн арваар нь байгуулаад олон хүнийг тэнд удирдах албанд томилдог. Тэдэнд зориулж цалин, нийгмийн баталгааг хангах далимаар төсвийн мөнгө үргүй зарцуулагддаг. Цалингийн хэмжээ зөрүүтэй байдаг. ХНХ-ын сайд бид 2 ижил саналтай байсан. Төрийн албан хаагчдын цалинг салбарын ялгамжгүй болгох нь зүйтэй гэж. Гэтэл эндээс нь сугалаад зарим нэг байгууллагыг сугалж аваад цалинг нь нэмэгдүүлсэн. Ингээд үр дүн гарсан уу? Жишээ нь, Монгол Улсын нэр хүндийг олон улсад шороотой хутгаж хар тамхины хэрэгт холбогдоод байгаа дипломатуудын асуудлыг өчигдөр байнгын хорооны хурлаар ярилцахад Гадаад харилцааны сайд нь хууль бус юманд оролцуулахгүй байхын тулд цалинг нь нэмнэ гэж яриад сууж байна. Нэмээд байхад асуудал шийдэгдэхгүй байна шүү дээ. Ийм маягаар байвал цагдаажсан улс болох юм уу? Нийгмийн олон асуудлууд цаана нь зөндөө байна шүү дээ."
