Орон нутгийн хамгаалалтын тухай хуулийн төсөл болон хамт өргөн мэдүүлсэн бусад хуулийн төслүүдийн анхны хэлэлцүүлэг эхэллээ. Гишүүд асуулт асууж хариултаа авлаа УИХ-ын гишүүн А.Сүхбат: Орон нутгын хамгаалалтын тухай хуулийн төсөл болон хамт өргөн мэдүүлсэн төсөлд саналтай явдаг юмаа. Орон нутагтайгаа хэрхэн ямар уяалдайтай байгаа юм? Орон нутагтайгаа яаж зохион байгуулж байгаа вэ? Жишээ нь төв аймгийн Алтанбулаг сумын цэргийн анги байдаг маш том газар авсан юм байна. Одоо бол иргэд бухимдалтай байна. Бэлчээргүй боллоо толгой дээр буудаад байна гэж удаа дараа ирүүлээд байна. Энэ хустайн нуруу том газрыг хашина гэж байсан энэ тал дээр тодорхой хариу өгнө үү? энэ бол маш анхаарал татсан асуудал болоод байгаа юм шүү. УИХ-ын гишүүн Н.Номтойбаяр: Энэ хуулийн хэрэгжилтыг хангахад орон нутгын хамгаалалтын зохион байгуулалт гээд бүх зохицуулалт орсон байгаа. Таны тодруулж байгаа асуултад Батлан хамгаалахын салбарын зүгээс хариулна.
2018-06-21
УИХ-ын чуулганы / 2018.05.31/ хуралдаанаар Орон нутгийн хамгаалалтын тухай хуулийн төсөл болон хамт өргөн мэдүүлсэн бусад хуулийн төслийн үзэл баримтлалыг хэлэлцэх эсэхийг хэлэлцлээ. УИХ-ын гишүүн Ж.Энхбаяр: Үндэсний аюулгүй байдлын зөвлөлийн тэргүүн, Зэвсэгт хүчний командлагч,Монгол улсын Ерөнхийлөгчөөс санал ирсэн. Батлан хамгаалах салбар бол улстөржиж болохгүй, элс орны аюулгүй байдал, тусгаар тогтнолтой холбоотой. Энэ хуульд зэвсэгт хүчний жанжин штабын эрх үүрэг яаж туссан бэ? Батлан хамгаалахын сайд орон нутгийн хамгаалалттай холбоотой нилээн зүйлийг батална, төлөвлөгөө гаргана гээд олон зүйл байна. Орон нутагт асуудал үүсэхэд Батлан хамгаалахын сайд удирдамж гаргана гэж байна. Мэргэжлийн биш хүн үүнийг хийж чадах уу? УИХ-ын гишүүн, Батлан хамгаалах яамны сайд Н.Энхболд: Энэ хууль анх удаа гарч байгаа том хууль, Батлагдаж гарснаар цэргийн бодлогод өөрчлөлт орно.Хуулиараа Жанжин штаб сайдын удирдлаган доор ажиллана гэж заасан байгаа. Засгийн газар, засгийн газрын гишүүнээс гаргаж байгаа шийдвэрийг гүйцэтгэж ажиллана. УИХ-ын гишүүн Ж.Энхбаяр: Цэргийн штаб байхаар хуулинд тусгасан. Энэ хуулиар зөрчилтэй орж ирж байна.
2018-05-31
УИХ-ын чуулганы / 2018.05.31/ хуралдаанаар Орон нутгийн хамгаалалтын тухай хуулийн төсөл болон хамт өргөн мэдүүлсэн бусад хуулийн төслийн үзэл баримтлалыг хэлэлцэх эсэхийг хэлэлцлээ. УИХ-ын гишүүн Л.Болд: Энэ хууль даруухан нэртэй боловч Монгол улсын тусгаар тогтнолын хамгийн том хууль. Ерөнхийлөгчийн санаа оноог тусгах ёстой. Энэ асуудлыг нэг талыг барьсан хэлбэрээр боловсруулж болохгүй. Байх ёстой өргөн хүрээгээр нь хараад асуудалд хандахаас илүүтэйгээр тал талын байр суурийг сонсож, шийдвэрлэх хэрэгтэй. Монголчууд бид 3 саяуулаа, эвтэй байж, хамгийн зөв, алсыг харсан шийдвэр гаргаж байж даван туулна. Батлан хамгаалах салбарын олон хуулийг бид гаргасан. Гэхдээ ирээдүйг харсан, шийдлийг харсан хууль гаргахад бэлэн байна. Монгол улс өөрийгөө авч явах чадварыг харж энэ хуульд хандах хэрэгтэй. Тэргүүлэх салбарын бүх хүмүүсийн байр суурийг сонсож сайн хууль гаргах хэрэгтэй.
