Улсын их хурлын чуулганы өнөөдрийн /2019.05.31/ нэгдсэн хуралдаанаар Авто тээврийн тухай хуулийн шинэчилсэн найруулгын төслийн анхны хэлэлцүүлгийг хийлээ. Монгол Улсын Засгийн газрын хуралдаанаар хэлэлцэн шийдвэрлэсэн Авто тээврийн тухай хуулийн шинэчилсэн найруулгын төслийг УИХ-ын гишүүн, Зам, тээврийн хөгжлийн сайд Б.Энх-Амгалан 2019.04.24 өргөн барьсан билээ. УИХ-ын гишүүн Ж.Бат-Эрдэнэ: "Авто тээврийн бодлоготой уялдуулан орон нутагт тээврийн бодлогыг уялдуулах алба байх ёстой. Үүнийг хуульд тодруулах ёстой. Одоо бол төвөөс буюу яамнаас зохицуулалт хийгээд байна. Харин орон нутагт засаг дарга нь яаралтай нөхцөлд зохицуулалт хийж, бодлого хэрэгжүүлдэг болох ёстой. Хилийн тээвэр хийхэд иргэд гадаад паспорттой байх ёстой шиг жолооч Ц зөвшөөрөлтэй байх ёстой байдаг. Уул уурхайд анхаарал хандуулж байгаа энэ үед Ц зөвшөөрөлтэй холбоотойгоор тээвэрлэлтийн асуудалруу ордог байдлыг болих хэрэгтэй. Тухайн тээвэр хийж байгаа чиглэлд хэн худалдан авч, зарж борлуулж байгаа хүний хооронд гэрээ хийгдэхэд анхаарал хандуулдаг байх хэрэгтэй. Тонн, километр, маршрутыг нь баримтлуулах тал дээр анхаарах ёстой. Түүнээс биш Ц зөвшөөрөл олгоход анхаарах нь дараагийн асуудал юм. Төрөөс хэтэрхий их оролцдог байдлыг багасгах ёстой. Хуульд арилжааны тээврийг бүртгэх гэж оруулсан байна. Бид аж ахуйн нэгжүүдэд ингэж дарамт учруулах ямар ч шаардлага байхгүй. 2 ААН хоорондоо гэрээ хийгээд тээвэрлэхэд стандарт мөрдөхийг нь л харгалзан үзэх ёстой."
2019-05-31
Улсын их хурлын чуулганы өнөөдрийн /2019.05.31/ нэгдсэн хуралдаанаар Авто тээврийн тухай хуулийн шинэчилсэн найруулгын төслийн анхны хэлэлцүүлгийг хийлээ. Монгол Улсын Засгийн газрын хуралдаанаар хэлэлцэн шийдвэрлэсэн Авто тээврийн тухай хуулийн шинэчилсэн найруулгын төслийг УИХ-ын гишүүн, Зам, тээврийн хөгжлийн сайд Б.Энх-Амгалан 2019.04.24 өргөн барьсан билээ. УИХ-ын гишүүн М.Билэгт: "Энэ хуулиар татвар төлөгчдийн хөрөнгөөр хийгдэж байгаа замыг эвдэхгүй байх нөхцөлийг бий болгож чадах уу? 2015 онд бондын 2 их наяд төгрөгөөр автозам барьсан. Гэтэл валютын ханш өсөөд 4 их наяд болж төлөгдөж байгаа. Энэ их мөнгийг замд зарцуулсан. Энэ нь жил ч хүрэхгүй эвдрээд байна. үүнийг хэрхэн хуулиар зохицуулж байна вэ? Монгол иргэдээ ажил орлоготой болгох зүйлийг Зам тээврийн хөгжлийн яам Монгол жолооч нараа дэмжихгүй байгаа юм бэ? Тиймээс Ц зөвшөөрөл гэх мэт зүйлийг чирэгдэлгүй олгомоор байна. Жолооч нарт хүндрэл учруулж байгаа олон зөвшөөрлөө зогсоогооч ээ, цөөлөөч ээ, зохицуулаач ээ. Жолооч нараас хамгийн их татвар, хураамж авдаг газар бол ЗТХЯ. гэсэн ч жолооч нар үүнийхээ үр дүнг амсахгүй байна."
Улсын их хурлын чуулганы өнөөдрийн /2019.05.31/ нэгдсэн хуралдаанаар Авто тээврийн тухай хуулийн шинэчилсэн найруулгын төслийн анхны хэлэлцүүлгийг хийлээ. Монгол Улсын Засгийн газрын хуралдаанаар хэлэлцэн шийдвэрлэсэн Авто тээврийн тухай хуулийн шинэчилсэн найруулгын төслийг УИХ-ын гишүүн, Зам, тээврийн хөгжлийн сайд Б.Энх-Амгалан 2019.04.24 өргөн барьсан билээ. УИХ-ын гишүүн С.Бямбацогт: "Зам тээврийн хөгжлийн яамны эрхлэх асуудлын хүрээнд агаарын тээвэр, төмөр зам, автозам гээд олон асуудлууд хамрагддаг. Тэр ч утгаараа нэгийг нь босгохоороо нөгөөг нь унагаад явдаг тал ажиглагддаг. Бид бүх аймгийн хатуу хучилттай замаар холбоно гэж маш их хөрөнгө гаргаж барьдаг. Нөгөө талдаа тээвэрлэлтээ зохицуулж чадахгүйгээс бол даац нь хэтэрсэн тээвэрлэлт хийж замаа эвддэг. Тиймээс бодлогын уялдаа холбоог хангах тал дээр хэрхэн анхаарч байна вэ? олон шаардлага тавьдаг ч үр дүн гардаггүй. Хууль батлагдвал энэ асуудлаа хэрхэн шийдэх вэ? Бид төрийн албаны орон тоог цөөлнө гэж хэдэн агентлагийг улсын үйлдвэрийн газар болгосон. Гэтэл эдгээр нь орлого хөөгөөд давхар давхар зөвшөөрөл олгодог. Богино хугацаатай, хүнд сурталтай, олон дахин олгодог зөвшөөрлийг бий болгосон. Зөвшөөрөл авах гэж тээвэрчид зовж байна. Энэ нь хуульд байдаггүй. Одоо энэ шинэчилсэн найруулга дотор мэргэшсэн жолоочийн үнэмлэхтэй байна гээд заачихсан. Тэртээ тэргүй жолооч нар чинь сургатандаа сууж, шалгалтаа өгөөд зөвшөөрлөө авч байгаа. Гэтэл дахиад л ийм зөвшөөрөл авах тухай хүнд суртал үүсгэж байна. УИХ-д Зөвшөөрлийн тухай хууль орж ирж байгаа. Гэтэл энэ хуульд дахин зөвшөөрлийн асуудал орж ирж байна. Үүний цаана хүнд суртал, авлига чинь яваад байгаа. Энэ ямар учиртай вэ?"
