Өнөөдөр /2018.04.26/ УИХ-ын нэгдсэн чуулганаар Мөнгө угаах болон терроризмыг санхүүжүүлэхтэй тэмцэх тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ. УИХ-ын гишүүн С.Бямбацогт: Энэ хуулийг ОУБ-ын шахалт гэхээс илүү Монгол улсын иргэдээ хамгаалсан, урьдчилан сэргийлсэн, Олон улсын өмнө хүлээсэн үүргээ биелүүлэх, эдийн засаг, санхүүд ач холбогдолтой хууль гэдгийг ойлгож байгаа. Энэ үүднээс дэмжиж байна. Хуулийг томоохон үзэл баримтлалтай, бодлого зорилт тавиад батлуулах гээд явдаг. Хуулинд санаатай, санамсаргүй заалт орж ирдэг, хаягддаг. Тэгээд хууль хэрэгжих явцад алдаа гардаг. Энэ хуулинд үнэт металл, үнэт чулуугаар хийсэн бүтээгдэхүүний арилжаа хийж байгаа хүнийг гэсэн заалт орж ирж байна. Энэ чинь миний хэлээд байгаа заалт. Монголчууд хөөрөг, эмээл хазаарын наймаа хийдэг. Энэ бүгд нь 20 сая төгрөгөөс дээш үнэтэй. Үнэ тогтоох боломжгүй. Хүн бүр өөр өөрийнхөөрөө үнэлдэг.Энэ дээр нь дөрөөлөөд хууль, хяналтынхан дууддаг шалгадаг асуудал гарах вий дээ. Энэ асуудлыг БХ-ны хурал дээр удаа дараа хэлсэн. Энэ заалт хөөдөгдөхгүйгээр орж ирлээ.Үүнийг яагаад засаж, найруулахгүй ороод ирэв. МУ-ын онцлог, ард иргэдийнхээ зан заншилд тохирсон хуулиа боловсруулах хэрэгтэй. Хууль зүй дотоод хэргийн дэд Б.Энхбаяр хариуллаа Энэ асуудлууд яригдсан. Жирийн иргэд орох гээд байна уу? Энэ тал дээр мэргэжлийн хүмүүсээс тодруулсан. Аж ахуй нэгж гэж орж ирсэн. Татвараа төлдөг байгууллага гэж ойлгож болно.
Өнөөдөр /2018.04.26/ УИХ-ын нэгдсэн чуулганаар Мөнгө угаах болон терроризмыг санхүүжүүлэхтэй тэмцэх тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ. УИХ-ын гишүүн Б.Бат-Эрдэнэ Энэ хууль мөнгө угаах болон терроризмыг санхүүжүүлэхийн эсрэг хууль. Гэтэл үүний цаана мөнгө угаах, татвараас зайлах, оффшор дансанд мөнгөө нуух энэ асуудлыг яаж зохицуулсан бэ? Төрийн эрх мэдлээр дамжуулан мөнгө төгрөг гувчуулсан этгээдүүдтэй холбоотой асуудлыг яаж зохицуулсан бэ? УИХ-ын гишүүн Н.Учрал хариуллаа: Мөнгө угаах болон терроризмыг санхүүжүүлэхтэй тэмцэх тухай хууль эцсийн өмчлөгчийг тогтооход чиглэгдэж байгаа. Оффшор дансанд мөнгөө хийгээд хууль дүрмээр нь оруулж ирдэг асуудал байгаа. Үүний цаана ямар этгээд байгааг тогтооно. Мөнгө угаах гэмт хэрэг Эрүүгийн хуулиараа зохицуулагдаад явна. Мөнгө угаах гэхээсээ илүү Мөнгө угаахыг санхүүжүүлэхийн эсрэг хууль. Мөнгө угаах гэдэг нь хууль бусаар олсон орлогыг мэдсээр байж нуун дарагдуулсан, шилжүүлсэн, хэлбэрийг нь өөрчилсөн шууд бусаар ийм үйл ажиллагааг явуулж байгааг ойлгож байгаа. Энэ утгаараа харилцагчийг таньж мэдэх үйл ажиллагаа хийгдсэний үр дүнд эцсийн өмчлөгчийг тогтооход энэ хууль чиглэгдэнэ.
Өнөөдөр /2018.04.26/ УИХ-ын нэгдсэн чуулганаар Мөнгө угаах болон терроризмыг санхүүжүүлэхтэй тэмцэх тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ. УИХ-ын гишүүн Ж.Ганбаатар: Энэ хууль батлагдаад гарах хэрэгтэй. ФАТФ-ын 40 зөвлөмжийг харахад гаднаас мөнгө орж ирээд угаагдаад гараад явчих вий гэсэн болгоомжлол байна гэж харж байгаа. Энэ хууль батлагдсанаар гаднаас орж, ирж байгаа хөрөнгө оруулалт, бизнес эрхэлж байгаа хүмүүсийн мөнгийг цаг хугацаа нь тодорхойгүй шалгадаг ийм байдал хавтгайрч болохгүй гэдгийг албан ёсоор сануулж байна. “Царцаах” гэдэг үгийг маш их хэрэглэж. юу гэж ойлгож, энд оруулсан бэ? МУ-ын эдийн засгийн тоон үзүүлэлт өссөн ч, иргэдэд нөлөөлөхгүй байгаа. Засгийн газар эрчтэй ажиллах шаардлага байгаа гэдгийг сануулж хэлье. Ажлын хэсгээс дараах хариултыг өглөө: Царцаах гэдэг үгийг санхүүгийн мэдээллийн үйл ажиллагаанд мэдээлэх үүрэгтэй иргэн аливаа гүйлгээг сэжигтэй, суурь баримт нь хангалтгүй гэж тооцсон үедээ манайд сэжигтэй гүйлгээний тайлан ирүүлээд үүний ул мөрөөр хуульд заасан эрхийн дагуу санхүүгийн мэдээллийн алба 72 цагийн дотор хөдөлгөөнийг царцаах эрхтэй байдаг.
Invalid YouTube URL
УИХ-ын нэгдсэн /2018.04.19/ хуралдаанаар Мөнгө угаах болон терроризмыг санхүүжүүлэхтэй тэмцэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн бусад хуулийн төслүүдийг хэлэлцлээ. УИХ-ын гишүүн М.Билэгт: Монголд мөнгө өсгөх арга барил байгаа. Дэлхийн бусад улс оронд байхгүй хүүтэй мөнгө банканд байрлуулах боломжтой. Монгол төгрөгийн ханш их хэмжээгээр унаж иргэдийн амьдрал хүндэрч байна. Монгол банктай холбоотой заалт орж ирсэн үү? Манайд банк, санхүүгийн байгууллагын өрсөлдөх чадварыг хаагаад 20 гаруй жил явсан. Энэ хариуцлагын асуудлыг ярих хэрэгтэй. УИХ-ын гишүүн Ц.Нямдорж: Хууль номоос илүү ажил хариуцаж байгаа хүнээс их юм болж байгаа. Энд л асуудал байгаа. Унтаад сэрэхэд "Хадгаламж" банк дампуурч, 1300 байсан доллар, 1700 болсон ш дээ. Хуулиа дагаж мөрддөггүй байдал ийм асуудал дагуулж байна.
Улсын Их Хурлын нэгдсэн чуулганы өнөөдрийн хуралдаанаар Засгийн газраас 2018 оны нэгдүгээр сарын 30-ны өдөр өргөн мэдүүлсэн “Мөнгө угаах болон терроризмыг санхүүжүүлэхтэй тэмцэх тухай хуульд нэмэлт, өөрчлөлт оруулах тухай хуулийн төсөл” болон хамт өргөн мэдүүлсэн бусад хуулийн төслүүдийг хэлэлцлээ. Хэлэлцүүлгийн үеэр УИХ-ын гишүүн Н.Учрал Б.Энх-Амгалан гишүүний хэлсэнээс эсрэг байр суурьтай байгаагаа илэрхийллээ. УИХ-ын гишүүн Н.Учрал Харин бид энэ хуулийг батлахгүй бол дэлхийд муухай харагдаж, Монголчууд гадаадруу гарахад хоригтой учрах, дансаа хэрэглэж чадахгүй болох эрсдэл бий. Санхүүгийн хориг арга хэмжээ бидэнд тавигдана. Нэгдүгээрт: Монгол Улс мөнгө угаахтай тэмцэх санхүүгийн хориг арга хэмжээ хэрэгжүүлэх ФАТФ байгууллагын мөнгө угаахтай тэмцэх Ази номхон далайн бүлгэмийн гишүүн. Тиймээс энэ хүлээсэн үүргээ биелүүлэх ёстой. Хоёрдугаарт: О.Баасанхүү гишүүний хэлсэн ...”хэрэг үйлдэж” гэж хуулийн төслийн нэгдүгээр зүйл дээр бидний зарчмын зөрүүтэй саналыг хэлж байх шиг байна. Энэ бол Эрүүгийн шинэ хуультай нийцүүлж оруулсан нэр томъёо юм. Монгол Улс Олон улсын өмнө хүлээсэн үүргээ биелүүлэх ёстой Мөнгө угаах, терроризмыг санхүүжүүлэхтэй тэмцэх бүлгэмийн гишүүн, олон улсын байгууллагын өмнө хүлээсэн үүрэг байгаа гэдэг утгаар хуулийн нэр томъёо энэ хэвээрээ явахаас өөр арга байхгүй. Харин хуулийн зорилго их тодорхой байгаа. Мөнгө угаах болон терроризмыг санхүүжүүлэхтэй тэмцэх, урьдчилан сэргийлэх үйл ажиллагааг зохион байгуулах эрх зүйн үндсийг тогтооход оршино гэж бий. Энэ хуулиар урьдчилан сэргийлэх үйл ажиллагааг зохицуулах зорилготой Харин мөнгө угаах гэмт хэргийг эрүүгийн хуулиараа зохицуулна. Терроризмын тухай хууль Монгол Улсад байгаа. Энэ хуулиар тэр үй олон зэвсэг дэлгэрүүлэх асуудлыг зохицуулж байгаа. Тэгвэл Мөнгө угаах, терроризмыг санхүүжүүлэхтэй тэмцэх тухай хуулиар урьдчилан сэргийлэх үйл ажиллагааг зохицуулах зорилготой юм. УИХ-ын гишүүн Н.Учрал: Энэ хуулийг зөв ойлгох хэрэгтэй.
