УИХ-ын чуулганы /2025.03.27/-ны өдрийн хуралдаанаар Гашуунсухайт-Ганцмод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай Монгол Улсын Засгийн газар болон Бүгд Найрамдах Хятад Ард Улсын Засгийн газар хоорондын хэлэлцээрийг соёрхон батлах тухай хуулийн төслийг хэлэлцлээ.

Хэлэлцэж буй асуудалтай холбогдуулсан гишүүдийн асуултад салбарын сайд хариуллаа.

УИХ-ын гишүүн, Зам тээврийн сайд Б.Дэлгэрсайхан:

Өргөн цариг нарийн цариг хоёулаа аль алиныхаа улсынхаа төмөр замын царигийг хүлээн зөвшөөрөлцөөд хил дээр холбогдож байгаа. Уурхай дээрээс нүүрс ачигдаад өргөн царигаар шууд Ганц мод руу ороод, ачилт буулгалтын терминал дээр шилжин ачилт хийгдэнэ. Тэгээд нарийн замаар цаашаа явна гэсэн үг. Хоёр дахь нь нарийн цариг Монгол руу орж ирээд, нүүрс ачаад цаашаа хилийн боомт орох, далайн боомт орох боломж, бололцоо бүрдэж байгаа.

Тийм учраас цаашдаа бид 3 улсын гэрээгээр хамтарсан гэрээгээр хийгдсэн, дамжин өнгөрөх тээвэр мөн бусад орнуудаас ирж байгаа энэ тээврийг нэмэгдүүлэх бусдын ачаа тээврийг тээвэрлэх ийм боломж бололцоог бүрдүүлж өгч байгаа. Энэ төмөр замыг бид хамтдаа тэгш эрхтэйгээр ашиглана гэдэг дээр харилцан тохиролцож байгаа. Өөрөөр хэлбэл цаад талдаа байгаа Чайна Энержигийн замыг бид бас адилхан тэгш эрхтэйгээрашигланахаа энэ дагасан протоколд заасан.

Сэтгүүлч

Сэтгүүлч Ц.Соёлмаа soyolmaa@vip76.mn