Нийгмийн даатгалын ерөнхий газрын дарга Б.Батжаргал болон холбогдох газрын дарга, мэргэжилтнүүд Чингэлтэй дүүргийн нийгмийн даатгалын газар болон Сүхбаатар дүүргийн нийгмийн даатгалын газарт /2026.07.20/ ажиллалаа. Наадам болон зуны амралтын үед нийгмийн даатгалын үйлчилгээг тасралтгүй, саадгүй, үзүүлэх чиглэлээр дараах чиг үүргийг өглөө.

- Бүх хууль тогтоомжийг чандлан сахих, мөрдөх, хэрэгжүүлэх;

- Ажил олгогч, ажилтан, даатгуулагч, тэтгэвэр, тэтгэмж авагч, харилцагчдад нийгмийн даатгалын үйлчилгээг түргэн шуурхай үзүүлэх;

- Ажлын тасралтгүй байдлыг хангах, албан хаагчдын ажил амралтын тэнцвэрийг ханган төрийн үйлчилгээг түргэн шуурхай үзүүлэхэд анхаарч ажиллах;

- Нийгмийн даатгалын шимтгэлийн өрийг барагдуулах ажлыг эрчимжүүлэх;

- Ажил олгогч, даатгуулагч, харилцагчаас ирсэн өргөдөл гомдлын хуулийн хугацаанд нь шийдвэрлэх зэрэг болно.

Мөн Улсын их хурлын чуулганы 2026 оны 07 дугаар сарын 02-ны өдрийн хуралдаанаар баталсан Нийгмийн даатгалын багц хуульд нэмэлт, өөрчлөлт оруулах тухай хууль батлагдсантай холбоотойгоор хуулийн хэрэгжилтийг хангах бэлтгэл ажлыг зохион байгуулж ажиллахыг Нийгмийн даатгалын ерөнхий газрын дарга онцоллоо.

Чингэлтэй, Сүхбаатар дүүргийн нийгмийн даатгалын газарт ажиллалаа