Энхтүвшин.Ө 2012.12.25 | Хэвлэл мэдээллийн алба: УИХ

МАН-ын төлөөллийн гишүүд УИХ-д албан ёсны бүлэгтэй болов

МАН-ын төлөөллийн гишүүд УИХ-д албан ёсны бүлэгтэй болов
Улсын их хурлын чуулган 2012.12.21 ны өдрийн хуралдаан

УИХ-ын чуулганы өнөөдрийн үдээс хойшхи нэгдсэн хуралдааны төгсгөлд УИХ-ын дарга З.Энхболд үдээс өмнөх хуралдаанаар эцэслэн баталсан Монгол Улсын Их Хурлын тухай хуульд нэмэлт, өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулиудын эцсийн найруулгыг уншиж танилцуулав.

Эдгээр хууль батлагдсантай холбогдуулан МАН-ын төлөөллийн гишүүдийн хувьд бүлэг байгуулах боломж нэгэнт бүрдсэн тул УИХ-ын гишүүн, МАН-ын дарга Ө.Энхтүвшин МАН-ын бүлгийн хурлаас гаргасан шийдвэрийг уншиж танилцуулав. Тэрээр МАН-ын бүлэг хуралдаж бүлэг байгуулахаар шийдвэрлэснээ хэлээд Н.Энхболдоор ахлуулсан нийт 25 гишүүн бүхий МАН-ын бүлэг албан ёсоор байгуулагдаж байгааг танилцуулж, шийдвэрээ УИХ-ын дарга З.Энхболдод гардуулж өгөв.

 

УИХ-ын дарга З.Энхболд МАН-ын бүлгийн гишүүдийн нэрс бүхий танилцуулгыг хүлээн аваад УИХ дахь МАН-ын бүлэг албан ёсоор байгуулагдсаныг мэдэгдэж баяр хүргээд ирэх долоо хоногоос Байнгын хороод хуралдаж, байнгын хорооны гишүүдийн талаар шийдвэр гаргах болно гэлээ.