Чуулганы хуралдаан үргэлжилж ерөнхий сайдыг огцруулах саналыг байнгын хороо дэмжээгүй тул огцруулах шаардлагагүй гэсэн томёоллоор санал хураалаа.

Хүн амын Хөгжил, Нийгмийн Хамгааллын Сайд С.Эрдэнэ:

Өнөөдөр сөрөг хүчний үүрэг гүйцэтгэх гэж ядаж байгаа МАН-ын яриа, тавьж байгаа баримт нь шалтаг эрсэн, арга ядсан байгаа нь инээдтэй байна. Ерөнхий сайдыг хамгаалах гээд байгаа юм алга.

Нийт 69 гишүүн оролцож зөвшөөрсөн 46 буюу 66.7 хувиар Ерөнхий сайд Н.Алтанхуягыг огцруулах шаардлагагүй гэж үзлээ.

Гэхдээ үндсэн хууль зөрчсөн гэсэн Үндсэн хуулийн Цэцийн дүгнэлт хаана байна бэ? Ямар нэгэн шалтаг дурдах бол баримттай хэлж баймаар байна. Арга ядсан юм битгий яриачээ гэж хүсмээр байна.

Н.Энхболд даргад хэлэхэд МАН өнөөдөр түүхийн хугацаанд ард түмний амь нас, хөрөнгө мөнгө, улс орны хувь заяагаар тоглочихоод нэг удаа уучлалт гуйсан уу?, Өнөөдөр таван хүний амь насаар тоглож, өчнөөн зуун залуусыг хорьчихоод уучлалт гуйсан уу? Тэрнийхээ төлбөрт төсвийн 11 тэрбум төгрөгөөр өөрсдөдөө ордон барьж хошин шоу тоглолтын театр болгосон.

Энэ шудрага ёс уу? Энэ мэт хар, муухайгаа яривал их юм болно. Гэвч яах гэж энд сууж байгаа юм бэ? Сөрөг хүчин нэрийн дор Монгол улсын нэрийг унагаахаар энд суугаагүй.

Өнөөдөр МАН Ерөнхийлөгчийн сонгуульд зориулсан улс төрийн шоу хийж байна.

Энэ илт харагддаг. Ийм байдлаар Монгол төрийн бодлогыг явуулна гэвэл ард түмэнд хохиролтой. Бондын асуудлыг их хөндөж байгаач Бондын мөнгө орж ирээгүй бол Монголын эдийн засаг өнөөдөр ямар байх байсан бэ?

Оюутолгой өнөөдөр 7 тэрбумын өртөгтэй босхоор болчихоод байгаагын хариуцлагыг хэн хүлээх бэ?

үүнийг хэн хийсэн бэ? энд сууж байгаа тэр үед ерөнхий сайд, хууль зүйн сайд гишүүн байсан бүх хүн энд сууж байна.

Энхийн цагаан тагтаа шиг зүйл битгий ярь.

УИХ-ын гишүүн Ч.Сайханбилэг:

УИХ-ын гишүүн Ч.Сайханбилэг

Яамдад 930, агентлагуудад 3400 гээд нийтдээ 4000 гаруй хүн байсан.

Харин одоо энэ тоо 384-өөр буурсан.

Одоо яамдад 1707, агентлагуудад 2430 хүн ажиллаж байгаа.

Та нар нэр бол хоморголон халлаа, нэг бол данхайлгаж олон хүн нэмлээ гээд байх юм.

Үүнээс чинь үнэн гарч ирэхгүй байна шүү дээ.

Алийг нь буруутгаад байгаа юм бэ.

УИХ-ын гишүүн Ж.Батзандан:

Ерөнхий сайдыг огцруулах асуудлыг МАН тавилаа.

УИХ-ын гишүүн Ж.Батзандан

Өмнөх жишгээс харахад дунджаар гурван жилд нэг удаа Засгийн газрыг огцруулах асуудлыг тавьж байсан юм байна.

Гэтэл МАН-ынхан найман сарын дотор тавьдаг юм байна.

Ерөнхий сайдын ажил амаргүй. 23 жилийн хугацаанд нэгч сайн Ерөнхий сайд байгаагүй. Бүгд л шүүмжлүүлдэг байсан. Та нар өнгөрсөн хугацаагаа эргэж хар. Танай намд олон хулгайч байгааг би мэднэ. Н.Алтанхуягийг шүүхээр гэм буруутайг нь нотолсон бол би дэмжихэд бэлэн байна. Гэтэл та нарын ярьж байгаа зүйл итгэл үнэмшил муутай байна.

Монгол улсын Ерөнхий сайд Н.Алтанхуяг:

УИХ-ын эрхэм дарга, УИХ-ын гишүүдээ. Миний бие улсын их хурлаас хэдхэн сарын өмнө баталсан шинэчлэлийн засгийн газрын мөрийн хөтөлбөрийг хэрэгжүүлэхийн төлөө шинэчлэлийн засгийн газрын гишүүд, та бүхний дэмжлэгтэй ажиллж байна.

МУ-ын Ерөнхий сайд Н.Алтанхуяг

Нэг талаас нь харахад богино мэт хугацааг эрчимтэй ажил, арвин өгөөжөөр дүүргэх гэж явсан ажилдаа муулсан нэгэнд нь цаг үрсэнгүй, гүтэгсэн үгийг үг гэж авсангүй. Шүүмжилсэн олноос анхаарал авч, дэмжсэн нэгнээс урам сэлгэж Монгол хүний өмнө тулгамдаж байгаа асуудал байвал том жижиг, мөнгөн дүн, хүнд, хэцүүгээр ялгалгүй шийдэх гэж явсаар найман сар болжээ.

МАН 14 хоногын өмнө ерөнхий сайдыг огцруулах санал УИХ-д өргөн мэдүүлсэн энэ нь ардчилсан төр засаг бие болсоны нэг илрэл болж засгийг болон засгийн тэргүүнийг огцоруулах санал тавьдаг нь буруу зүйл гэж үзэхгүй байна.

МАН-аас 4-р сарын 12 ны өдөр Ерөнхий сайдыг огцруулах тухай 6 зүйл бүхий бичиг өргөн барьсан. 14 хоног энэ зургаан зүйлийн ярилцах байсан ч харамсалтай нь 7 хоног зургаан зүйлийг ярьж үлдсэн 7 хоногт нь шинэ гурван зүйлийн эрэлд гарсан.

1. Хоёр аймгийн засаг даргыг томилсон нь үндсэн хууль зөрчсөн гэх асуудал үүнийг бид хантлаа ярьсан. Үндсэн хуулийн цэцийн дүгнэлт гараагүйг тал бүрдээ хүлээн зөвшөөрсөн учир нэгдүгээр үндсэлэлийг хууль зөрчсөн үйлдэл биш гэж үзэж байна. Нотлох баримт байхгүй.

2. Тагнуулын ерөнхий газрын дэд даргыг өөрчилсөн нь хууль зөрчсөн гэж үзсэн. Үүнд Цэцийн дүгнэлт гараагүй.

"Манай ардын нам" гэж хэлдэг. Гэхдээ ингэж хэллээ гээд би танай намынх болчихгүй, болох ч үгүй.

3. Төрийн албан хаагчдыг хоморголон халсан гэх үндэслэл. Өмнөх хурал дээр яригдсан өнөөдөр гарсан тоогоор хоморголон халсан, төрийн алба данхаасан зүйл байхгүй. Нийт найман сарын хугацаанд төрийн албан хаагчдын тоо 384-р багссан тоо дүгнэлт бий.

4. Хэвлэл, мэдээллийн хэрэгсэлийг Засгийн газар хаасан гэх үндэслэл. Засгийн газар хэзээ ч хэвлэл мэдээллийн хэрэгсэлийг хаадаггүй гэдгийг бид бүгд мэднэ. Энэ бол үндэслэл биш. Засгийн газар хэвлэл мэдээллийн хэрэгсэл хаах тухай шийдвэр гаргадаггүй бас гаргаагүй.

5. Хоёр улсын харилцааны асуудлыг хөндсөн. Энэ талаар хаалттай хэлэлцүүлэг зарлах санал тавьсан. Манай Турк улс" гэж хэлсэний төлөө. Бид бүгд л тэгэж ярьдаг шүү дээ. Би "Манай ардын нам" гэж хэлдэг. Гэхдээ ингэж хэллээ гээд би танай намынх болчихгүй, болох ч үгүй.

6. Бурхан халдун ууланд гарсан талаар яригдаж байна. Надтай хамт явсан 53 хүнээс миний таньдаг 10-аад хүн байгаа. Хэнтий аймаг тагнуулын газрын нийт 30-аад хүн байсан. Тохиолдолоор нэг баг болоод хамт явсан.

Энэ бол ерөнхий сайдыг огцоруулахаар тавьсан зургаан үндэслэл. Үүний дараа нэмэлт гурван асуудал хөндсөн. Үүнд:

1. Бондын мөнгөөр алт Монгол банк авсан гэсэн. Монголы банкны ерөнхийлөгчийн гарын үсэгтэй нэгч гр алт худалдаж аваагүй тухай бичиг илгээсэн. Энэ асуудал үүсээд байвал ажлын хэсэг гаргаж шалгаж болно. Тэрнээс МАНын хэсэг очоод шалгана гэсэн ойлголт байхгүй.

2. Төрийн албан хаагчидтай асуудал тавьсан.

3. Ардчилсан нам гэхээсээ илүү Н.Алтанхуягтай холбоотой асуудал гаргасан. Энэ бол хувь хүний нэр хүндтэй холбоотой. Тавантолгойн тендерийг хамаатныхаа хүүхдэд өгч ялуулсан гэх үндэслэл. Энэ ямар ч үндэслэлгүй гэдгийг хэлнэ. Ямар нэгэн тендер болж байгаа талаар мэдээлэл ч надад байхгүй. Н.Алтанхуяг гэдэг хүний оролцоотой хийгдсэн юм нэг ч байхгүй. Эцэг хүү хоёр ч хуулийн өмнө тус тусдаа хариуцлага хүлээх ёстой. Өөр хүний үйлдэлийг надтай хамааруулаад, улайраад байна уу? Үнэхээр хэрэг хийсэн бол нотлох хэрэгтэй.

Хүнд суртал бүх ажлын гацаа болчихоод байна. МАН бид нар чөдөр биш ташуур болж хамтран ажиллахыг уриалж байна.

Ерөнхий сайдыг огцруулах үндэслэл байхгүй