Төсвийн байнгын хороо хуралдлаа.

Газрын тосны тухай хуулийн шинэчилсэн найруулгын төслийг дагалдан өргөн мэдүүлсэн Төсвийн тухай хуульд нэмэлт оруулах тухай, Татварын ерөнхий хуульд нэмэлт оруулах тухай, Гаалийн тариф, гаалийн татварын тухай хуульд нэмэлт оруулах тухай,

Нэмэгдсэн өртгийн албан татварын тухай хуульд нэмэлт оруулах тухай, Аж ахуйн нэгжийн орлогын албан татварын тухай хуульд өөрчлөлт оруулах тухай, Засгийн газрын тусгай сангийн тухай хуульд нэмэлт оруулах тухай, Төрийн аудитын тухай хуульд нэмэлт өөрчлөлт оруулах тухай хуулийн төслүүдийн анхны хэлэлцүүлгийг хийлээ.

Хэлэлцүүлгийн эхэнд Уул уурхайн сайд Д.Ганхуягийг хуулийн төсөл тус бүрээр гишүүдэд танилцуулсан.

Төсвийн тухай хуульд нэмэлт оруулах тухай хуулийн төсөлд газрын тосны нөөц ашигласны төлбөр, газрын тосны хайгуулын болон ашиглалтын тусгай зөвшөөрлийн төлбөрийн 70 хувийг Улсын төсөт, 30 хувийг нь тухайн орон нутгийн төсөвт төвлөрүүлэхээр тусгажээ.

Ингээд хуулийн төслүүдийн анхны хэлэлцүүлгийг хийх нь зүйтэй хэмээн үзэж санал, дүгнэлтээ Эдийн засгийн байнгын хороонд хүргүүлэхээр тогтлоо.

Төсвийн байнгын хороо хуулийн төслүүдийн анхны хэлэлцүүлгийг хийлээ