Намын бүлгүүд нэгдмэл байр суурьт хүрэв
АН-аас өчигдөр үдээс өмнө МАН-д мэдэгдэл хүргүүлсний дараа УИХ дахь МАН-ын Удирдах зөвлөл болон бүлгийн хуралдаан болсон юм. Уг хуралдаанаар АН-ын тавьсан саналыг хэлэлцээд хүлээж авахаар болжээ. Энэ талаар өчигдөр үдээс хойш УИХ дахь МАН-ын бүлгийн дарга Ө.Энхтүвшин сэтгүүлчдэд мэдээлэл хийсэн юм.
Түүний хэлснээр АН-ын санал буюу нийслэлийн ИТХ-ын тэргүүлэгчдийг сонгох сонгуулийг УИХ-ын сонгуультай адил тогтолцоогоор буюу 76 гишүүний 48-ыг нь тойргоос, 28-ыг нь намын нэрсийн жагсаалтаар явуулах шаардлагыг хүлээн авахаар болжээ. Ингэхдээ нийслэлийн ИТХ-ын харьцааг 30-15 гэж тогтох нь зүйтэй хэмээн үзсэн байна.
Түүнчлэн АН-аас тавьсан техникийн шинжтэй саналуудыг ч хүлээн авахаар болжээ. Энэ нь саналыг цахим хэлбэрээр тоолох, нэг хуудсан дээр санал бичих зэрэг саналыг хүлээн авах нь зүйтэй гэж үзсэн байна. Гэхдээ эдгээр зүйлийг ажлын хэсэг, байнгын хороон дээрээ илүү сайн судлах нь зүйтэй гэдэгт МАН-ын гишүүд санал нэгджээ.
Ийн намын бүлгүүд нэгдсэн байр суурьт хүрч чадсан тул өнөөдрөөс эхлэн Төрийн байгуулалтын байнгын хороо болон УИХ-ын нэгдсэн чуулган болж Орон нутгийн сонгуулийн тухай хууль нэмэлт, өөрчлөлт оруулах асуудлыг хэлэлцэх юм.
Хуулийн мэдээ
УИХ-ын нэгдсэн хуралдаан
ТББХ-ны хуралдаан
2023
04.13
2012
04.26
2012
04.26
2012
04.20
2012
04.10
2012
03.14
2011
12.12
2011
10.11
2011
07.01
2011
06.30
