Орон сууцны таван хувийн зээлийг бүх иргэдэд хүртээмжтэй болгохын тулд Арилжааны банкуудын чадавхийг нэмэгдүүлэх, хадгаламжийн зээлийн хүүг бууруулах шаардлага байгаа гэдгийг мэргэжилтнүүд зөвлөж байна.

“Арилжааны банкууд таван хувийн зээлээ олгоод эхэлсэн. 318 хүн эхний зээлээ авсан гэдэг мэдээлэл ирсэн. Нийт иргэдийг орон сууцтай болгох, орон сууцны зээл олгох асуудал Монгол төрийн нэгдүгээр зорилт байх ёстой” гэж УИХ-ын гишүүн Д.Ганхуяг хэллээ.

Харин Арилжааны банкуудын зүгээс таван хувийн зээлийн хүүг бүх иргэдэд хүртээх боломжгүй. Энэ нь эдийн засагт сөрөг нөлөөтэй гэдэг тайлбарыг хийж байна. Гэтэл зах зээлийн эдийн засагтай орнуудад орон сууцны зээлийн дундаж хүү 3-5 хувьтай байдаг нь банкуудынх нь чадамж болон хадгаламжийн хүү бага байдагтай холбоотой гэсэн дүгнэлт гарч байна.